1.
Ing planu rang mitalakad PAMSU balen Macabebe dakal lang kabalen tamu ring gulpi migtas a kile nung pakaisipan me pin naman rugung masalese babalakan dang iskwela, o nu re pin naman ike? nu re banda italakad, kabalenan, Caduang tete? Sta. Rita, San Francisco, Candelaria, San Vicente?
2.
Alus dening barangay na ning balen a mesambitla liklak na no ngan ning danum e na kakating bitasa lakwas banda king tacasan a baryu ning kakung ibpa ding memaryu kening albug e no maybug misukmama
uling ustung magbiyai la sasake na la mung bangka neng tatalas la king danum sinapak na lang lipunga
3.
Isipan da ring memalen nu re banda italakad?
ing karelang pamalakang estadung unibersidad o makananu pin naman pilan nang banwa’ing milabas mabilug a Macabebe mistula neng dayat malat pati dalan miglumut na at milalu katalusad e la ditak ding magmotor a ikit kung mibabatbat
4.
Ot aliwa ing flood control pa ing karelang lingunan bayu ing unibersidad a kardlang pamalakan ban kanita e na lumbug at ban e no misakitan ding memalen neng babagyu king panaun ning kauran aliwa’ing unibersidad uling alang pilugalan at dakal naman iskwela a magsilbi pang piluban
5.
Nung ing imbut ning magnasang mitalakad kening PAMSU ban manaru at akwa no pilubluban dening tau ing makanian a diskarti e na binang epektibu pablasang dening memalen malwat nong magsakripisyu
at nung atin mang manwalang tapat kayung magserbisyu mekad deta namung muting ampon bukut a prinsipyu
