Nung keng pamaglarin bale, lalu’t digsa ne ning bagyu
O adalanan ne kaya ning alisus a perwisyu;
Agyang e ra kata ausan saupan taya ing kabaryu
Ing mumunang tang kukutang : Abe, nanung asaup ku.
Makanian mu naman sana king mibagyuan tang amanu
Ngening panikuanan tayang italakad pasibayu;
Agyang e ra kata ausan ibie ta ing tungkul tamu
Makyabe tang makikalu karing makisugung tau.
Miyaliwa tamu beluan at instrumentung darala
Ating magaling keng yeru, ating magaling keng tabla;
Ating biasa keng sementu, ating biasa keng pintura
Ampon ating masibukan keng tubo at elektrika.
Antimuring king amanu, nung makisugu ta sana
Magdala tang kasangkapan a gamat tamung talaga;
Uling ing pamiyampangan potang mitipun-tipun na
Yang mang amanung mipase, talakad yang alang sala.
Ustung makisugu tamu atmu saya ing tambayan
Uling metung yamung planu ing kekatamung tutukian;
Ing peka-malating bague a kekatamung gagawan
Makatungkul ya king bale a kekatang lalarinan;
Makanian mu naman sana karing maldang kayaduangan
Balang tungkul a yampang da para king amanung sisuan;
Nung balang patak ning pawas alang masayang ditak man
Magbangun yang pasibayu ing amanung kapampangan.
At potang ayari tane ing bale linarin tamu
Atin tamung kaugalian antimong para kuswelu,
Ding lagyu ra ding sinaup misulat la king sementu
Ban keta abasa dala ding apu ding apu tamu;
Makanian mu naman sana king istoria ning bie tamu
Karing taung mekisugu atyu ya ing lagyu tamu,
Ban kanita asabi ra ding kaapu-apuan tamu
Sinaup tamung mitikdo king makaragsang amanu.
Itang pamikalukalu karas keng mayap a layun
Tatak ne ning kapampangan, panugali yang manayun;
Inya makalapit taman o menaliwa nang gabun
E ta ya dapat kalinguan ing ugali tamu napun;
Ngening ing amanu tamu yang digsa na ning panaun,
Makisugu tang misan pa, para king Indung magmalun,
Uling nung apusan tala ding pakatungangang mirun
Ing Amanung Kapampangan, kapilan man, e magbangun.
Makikalu kayu sana, e ko magmamatudturan
pakit yu king biasa kayung makipamaryu mu naman
ing bale na ning Parnaso agyang malwat neng mibagyuan
uli ra ding makikalu titikdo ne at sisikan;
dakal no ding mangiyampang miyaliwang kawatasan
ating kanta, poesiya, prosa, king amanung sisuan,
karing bisang makikalu, oini ing bale gagawan
ayu ya king http://parnasu.ning.com
at pota pung datang kayu magdala kng kasangkapan
karetang kekayung gamat, miyaliwang kawatasan…..
O adalanan ne kaya ning alisus a perwisyu;
Agyang e ra kata ausan saupan taya ing kabaryu
Ing mumunang tang kukutang : Abe, nanung asaup ku.
Makanian mu naman sana king mibagyuan tang amanu
Ngening panikuanan tayang italakad pasibayu;
Agyang e ra kata ausan ibie ta ing tungkul tamu
Makyabe tang makikalu karing makisugung tau.
Miyaliwa tamu beluan at instrumentung darala
Ating magaling keng yeru, ating magaling keng tabla;
Ating biasa keng sementu, ating biasa keng pintura
Ampon ating masibukan keng tubo at elektrika.
Antimuring king amanu, nung makisugu ta sana
Magdala tang kasangkapan a gamat tamung talaga;
Uling ing pamiyampangan potang mitipun-tipun na
Yang mang amanung mipase, talakad yang alang sala.
Ustung makisugu tamu atmu saya ing tambayan
Uling metung yamung planu ing kekatamung tutukian;
Ing peka-malating bague a kekatamung gagawan
Makatungkul ya king bale a kekatang lalarinan;
Makanian mu naman sana karing maldang kayaduangan
Balang tungkul a yampang da para king amanung sisuan;
Nung balang patak ning pawas alang masayang ditak man
Magbangun yang pasibayu ing amanung kapampangan.
At potang ayari tane ing bale linarin tamu
Atin tamung kaugalian antimong para kuswelu,
Ding lagyu ra ding sinaup misulat la king sementu
Ban keta abasa dala ding apu ding apu tamu;
Makanian mu naman sana king istoria ning bie tamu
Karing taung mekisugu atyu ya ing lagyu tamu,
Ban kanita asabi ra ding kaapu-apuan tamu
Sinaup tamung mitikdo king makaragsang amanu.
Itang pamikalukalu karas keng mayap a layun
Tatak ne ning kapampangan, panugali yang manayun;
Inya makalapit taman o menaliwa nang gabun
E ta ya dapat kalinguan ing ugali tamu napun;
Ngening ing amanu tamu yang digsa na ning panaun,
Makisugu tang misan pa, para king Indung magmalun,
Uling nung apusan tala ding pakatungangang mirun
Ing Amanung Kapampangan, kapilan man, e magbangun.
Makikalu kayu sana, e ko magmamatudturan
pakit yu king biasa kayung makipamaryu mu naman
ing bale na ning Parnaso agyang malwat neng mibagyuan
uli ra ding makikalu titikdo ne at sisikan;
dakal no ding mangiyampang miyaliwang kawatasan
ating kanta, poesiya, prosa, king amanung sisuan,
karing bisang makikalu, oini ing bale gagawan
ayu ya king http://parnasu.ning.com
at pota pung datang kayu magdala kng kasangkapan
karetang kekayung gamat, miyaliwang kawatasan…..
