Keti babo yatu—matimbang yang bague
at e dapat laco, yang PAMAKIBAGUE;
nung laco taya yan, gulu ing pamyabe
gusut ing ugnayan—alang masalese.
Calupa na namu king metung a baryu—
nung bayu cang lipat a makipamaryu—
ing PAMAKIBAGUE ya ing idala mu
pakit mung biasa cang makiparang tau.
Nung ding kecang disan tau lang payapa
at e la majilig king inge at sigla;
e me pacasican ing kecang siwala
magbaba cang timbre keng pamagsalita.
Alimbawa naman malinis la arap
at ala cang akit paca-ugse dinat,
ipakit mu naman biasa cang lumingap
mamalis ca naman—laco mu ing calat.
Nung dening disnan mu—malam la pangilus
maki-genaca lang mayagang cautus;
Makibague ca sa—tuki ca king agus
at E mu papakit yang ugaling bastus.
Caring balang baryu, atin ORDINANSA
babawal da ini—babawal da ita…
nung labagan mu yan …bisa at ali ca,
nung e ca maculung, pilmi cang magmulta.
Atin ordinansang lupang atmu lati
alimbawa: BAWAL ING BUBULUS BABI,
nung e matupad yan alang pasubali
ding memaryu mismu lunto lang binabi.
Inya ban ing baryu lunto yang malagu
munang dapat miral ing pamicasundu,
itang ketasan lub a e bisang ducu
ilele mu ne pa ban e ca mabigu.
Ngeni nung talagang aliwa ca timbri
makicabuangisan ing kecang custumbri
sipingan mong kweba ding kecang cumpari
keta king pulu ra ding leon at tigri.
Ing keca payul cu pacatandanan me—
manatindi ca sa at biasang makyabe
caring cabaryu mu at casiping bale—
e me cacalinguan ing PAMAKIBAGUE…!
at e dapat laco, yang PAMAKIBAGUE;
nung laco taya yan, gulu ing pamyabe
gusut ing ugnayan—alang masalese.
Calupa na namu king metung a baryu—
nung bayu cang lipat a makipamaryu—
ing PAMAKIBAGUE ya ing idala mu
pakit mung biasa cang makiparang tau.
Nung ding kecang disan tau lang payapa
at e la majilig king inge at sigla;
e me pacasican ing kecang siwala
magbaba cang timbre keng pamagsalita.
Alimbawa naman malinis la arap
at ala cang akit paca-ugse dinat,
ipakit mu naman biasa cang lumingap
mamalis ca naman—laco mu ing calat.
Nung dening disnan mu—malam la pangilus
maki-genaca lang mayagang cautus;
Makibague ca sa—tuki ca king agus
at E mu papakit yang ugaling bastus.
Caring balang baryu, atin ORDINANSA
babawal da ini—babawal da ita…
nung labagan mu yan …bisa at ali ca,
nung e ca maculung, pilmi cang magmulta.
Atin ordinansang lupang atmu lati
alimbawa: BAWAL ING BUBULUS BABI,
nung e matupad yan alang pasubali
ding memaryu mismu lunto lang binabi.
Inya ban ing baryu lunto yang malagu
munang dapat miral ing pamicasundu,
itang ketasan lub a e bisang ducu
ilele mu ne pa ban e ca mabigu.
Ngeni nung talagang aliwa ca timbri
makicabuangisan ing kecang custumbri
sipingan mong kweba ding kecang cumpari
keta king pulu ra ding leon at tigri.
Ing keca payul cu pacatandanan me—
manatindi ca sa at biasang makyabe
caring cabaryu mu at casiping bale—
e me cacalinguan ing PAMAKIBAGUE…!
