King penandit a ini e ta’ pamu tagkil
Aliwang isyu ken… nune ining inggil
Kening taung mitalabu mu marahil,
Nung inya mabiung yang mengari keng tukil.
At balamu anti no’ waring bistusan
Ding governor ampon aliwang opisyal,
(Partikular na ring keti Kapampangan)
Karing pinyabi na a sinobra takal.
At e na aisip makasukal a lub
Itang bage-bage kitang na’na kabud,
A nu’ nanan ta’ mang suryan, e makatud
Pablasang insultu karing pakarungut.
Aku, ala ku man king penandit a ita
Mesora ku naman king pemalita ra
King i Mr. Market posibling serya na
Ing atin yang taung paturan kanita.
O personalidad a pamaramdaman
Agpang king sarili kung kapaniwalan,
Inya para kaku e makatuliran
Yabe na ing bage e sukat tagkilan.
(There is a right venue for any occasion
In which he may inject his (noble?) intention,
But NOT in a big crowd where it’s NOT suitable
To insert anything that may offend people).
Pero ban e ta’ na makirakal-dakal,
Karing susulak a daya king makanyan,
Dening kawatasan ila na pang basan
Imbes mabe tamung makisakal-sakal!
