MASINLOC, Zambales — Mahigpit na ipapatupad ang pagsusuot ng face mask sa lahat ng government offices, simbahan, eskwelahan, tindahan, grocery store at iba pang mga establisyemento, pribado man o pampubliko.
Ito ay batay sa Executive Order No. 4, Series of 2023 ni Masinloc Mayor Arsenia Lim na may petsang Mayo 18, 2023.
Inutos din ng executive order ang pagkakaroon ng alcohol dispenser sa bawat pasukan ng mga establisyemento. Muli din papairalin ang liqour ban sa buong bayan ng Masinloc.
Magkakaroon din ng curfew hours mula alas-10 ng gabi hanggang alas-4 ng madaling araw sa lahat, maliban sa mga trabahador na panggabi, ngunit kinakailangan magpakita ng mga kaukulang ID o work certification.
Inatasan din ang kapulisan, barangay tanod at barangay peacekeeping action teams na kailangang ipatupad ng maayos ang nasabing kautusan.
