(Karugtong ng sinundang isyu)
Kung kalinisan at pagiging matuwid
Sa pamamahala, wala ng hihigit
Sa rekord ng ating pinaka-mabait
Na kabalen, kaya nga’t para ibalik
Ang ‘tribute’ sa isang hindi Pilipino
Na isang kawal lang na Amerikano
(At wala rin namang kaugnayan dito),
Yan para sa atin ay grabeng insulto!
Sino sa atin ang nakakakilala
Kay Major Harold Clark dito sa Pampanga,
Na namatay sa isang ‘plane crash’ sa Panama,
Na pinanggalingan ng pangalan niya?
At anong nagawa nito sa’ting bayan
‘Compared with our very own Macapagal?’
Upang itong dati nilang nirentahang
‘Airbase’ sa atin ay kay Clark ipangalan?
During the lease contract with them still exist
Yes, they have the rights and/or legal basis
To name their rented place to whatever they wish
Since it’s then considered as their own properties.
But right after they left and vacated the place,
Such rights and/or any power to exercise
Something that they want to do with their former base
Has no valid effect since it’s no longer theirs.
Kaya ngayong yan ay naisauli na
At tayo na itong may hawak kumbaga,
Ano’t pangalan pa ng kalahi nila
Ang gamitin at di ang atin talaga?
Gayong kagaya ng nasabi na natin,
Yan ay tunay naman nga pong sadyang atin;
Kaya kalokohan na maituturing,
Na ang pangalang “Clark” – papanatilihin!
Na noon pa dapat inayos at sukat
Upang mapalitan ang katawagang Clark
Sa ating Freeport Zone na napakalawak
Matapos na sila’y ating mapalayas.
Di pa ba sapat ang panahong nagdaan
Kung saan ang ‘Clark Field’ kinilala bilang
Isa sa pangunahing Base Militar
Ng mga Kano sa Malayong Silangan?
Na nararapat nang palitan sa ngayon
Pagkat nilisan na nga nila ang kampong
Inupahan sa ‘tin ng kung ilang taon
Bago pa man sila giyerahin ng Hapon.
(Na kung saan pati tayo ay nadamay
Lamang sa gulo ng mga kapitbahay
Nagpambuno sa ating pamamahay,
Kaya naperwisyo rin at napaaway?)
Kaya ang mungkahi nitong si Luciano
Na palitan muli o ibalik nito
Ang pangalang “Clark” sa paliparan dito
Ay di na marapat isulong siguro.
Kung kaya nga’t tayo ay nanawagan
Kay Luciano: na kung nagpapalapad yan
Sa Pangulo ay huag sa ganyang paraan
Na lubhang ‘obvious’ ang posibleng dahilan.
Kundi pagbutihin ang kanyang trabaho
Upang gumanda ang papel n’yan ng husto;
At di sa kung anong panukala nito,
Na nakatatapak ng tunay na tao.
Sa ganang amin ay mas makabubuting
Si Victor Luciano ang unang sipain,
Kaysa bandang huli pati sadyang atin
Ay palitan niya at pagtatanggalin!!!
