LUNGSOD NG MALOLOS – Nagsitakbo ng hubot-hubad ang mga estudyanteng kabilang sa Alpha Phi Omega (APO) Fraternity sa Bulacan State University upang ipanawagan ang paghahanap ng katarungan sa mga nabiktima ng karahasan at paglabag sa karapatang pantao.
Ang oblation run ay ginawa ng APO members kaugnay ng ika- 110th founding anniversary ng naturang unibersidadAng kasama sa oblation run ay ang mahigit 30 mga miyembro ng APO na mga kalalakihan. Ayon kay Jerry Villnaueva Jr., APO deputy regional director sa Northern Luzon Administrative Region, sa kanilang oblation run ngayong taon ay panawagan nila ang paghahanap ng katarungan sa lahat ng nabiktima ng karahasan sa bansa.
Ito ay may temang: “Biktima ng nakaraan, katarungan huwag kalimutan.” Ito daw ay panawagan sa lahat ng mga hindi pa rin nakakakuha ng hustisya hanggang sa ngayon na mga nabiktima ng karahasan gaya ng pagpatay, pagnanakaw, panggagahasa at lahat ng uri ng kriminalidad.
Samantalang, hinango ang oblation run na ito sa University of the Philippines. Ito na ang ika-siyam na taon na isinasagawa ng APO sa BSU ang oblation run. Taon-taon ay inaabangan ang oblation run na ito sa BSU.
Umaga pa lamang ay nakaabang na ang mga esudyante sa kakaibang pagpapakita ng freedom of expression na mgakasapi ng frat. Ala-onse ng umaga, inilabas ang hudyat ng oblation run. Paglabas ng mga participants, hiyawan na ang mga manonood. ilibot ng mga miyembrong ito ng frat ang naturang unibersidad bago nagtungo sa Freedom Tree ng BSU at doon inawit ang kanilang fraternity hymn kung saan nagtapos ang kanilang programa.
