Nung ing pamangutud karing pun akasya
At aliwa pang pun-dutung kekaban na
Ning McArthur Hi-way, benging gagawan da,
Kalapastanganan keti king Pampanga.
Partikular na king balen San Fernando
Antining itinan ing sasakup mismu
Karing pundutung a pinupu rang ustu
Ding alang masabal a taung gubyernu.
A panimunan ning alang malasakit
King kapaligiran, a pautik-utik,
Lalasunan da’t papaten king alimit
Ding alipores nang DPWH
Regional Director Alfred Tolentino,
A malino lalto king mesabing punto,
Ing ya, nung wari sa karing pun-berdugu,
Ing patabtab batal karing sintensyadu.
Antimo pin karing akasyang mesabi,
A kabud na namu pepakutud niti,
Bistama’t balu nang e ra tula iti
Ding memalen at ding keng ‘civil society,’
A e ra pikabyang ing pali ning aldo
At dimla ning uran – keng dalan kukulyo,
Ing e ta’la sukat pabusten malaso
Ding pundutung a ren karing ‘mapanako’
A lilimid pane king ba’rong akutud
Ding akasya kabang maniaman ta’ tudtud
Pablasang balu rang e ta’ ipaintulut
Ing den akit ta’ lang mipase na kabud
Kapamilatan ding pangil ning lagari
A makapangablad itang biung nang matni;
At nu’ anti ya mong sasagakgak wari
Kabang ing pundutung ta’ya mapipisi.
At papiglo banting ipasyag ing tutul,
Kalupa ning gagawan nang Cecile Yumul,
(A chairperson na ning STC king Rehiyon)
Ching Pangilinan at ning ‘priest-turned-governor;
Kambe ring dakal a kekatang kabalen
A e kumpormi king pangakutud da ren,
Nung nu’ mapalyaring inya arapat den
Pasari na mekad ning hokus-pokus ken
At posibleng ibat pa niang y Atienza
Ing DENR Chief – mika-milagru na,
Nung inya malaguang keti arapat da
Ing anti kaniti a kelan justisya
(Kayalimbawa ning taung miyatulan
Mabite, a e man unabis mirinan
Tsansang idipensa niti king ‘Hukuman’
Ing keyang sarili king patas a laban).
Sakali’t apalto tamung e la sukat
Kuturan ban keta akua nang lumapad
Ning dalan, uli ning sapat ne kalualas,
Abalik da pa ren ing bie rang meyapas?
Ing tutu na, inya mu lalto lang maskup
Ding dalan – lalu na busal da ring lungsud,
Yan, uli ning kelan disiplina alus
Ding keraklan karing tsuper dyip ampon bus.
A manguldas agyang libutad ning dalan
O kaya maniake, king bistama’t bawal;
Inya nu’man anti kalapad itinan
Saskup ya pasari ding alang masabal!
At aliwa pang pun-dutung kekaban na
Ning McArthur Hi-way, benging gagawan da,
Kalapastanganan keti king Pampanga.
Partikular na king balen San Fernando
Antining itinan ing sasakup mismu
Karing pundutung a pinupu rang ustu
Ding alang masabal a taung gubyernu.
A panimunan ning alang malasakit
King kapaligiran, a pautik-utik,
Lalasunan da’t papaten king alimit
Ding alipores nang DPWH
Regional Director Alfred Tolentino,
A malino lalto king mesabing punto,
Ing ya, nung wari sa karing pun-berdugu,
Ing patabtab batal karing sintensyadu.
Antimo pin karing akasyang mesabi,
A kabud na namu pepakutud niti,
Bistama’t balu nang e ra tula iti
Ding memalen at ding keng ‘civil society,’
A e ra pikabyang ing pali ning aldo
At dimla ning uran – keng dalan kukulyo,
Ing e ta’la sukat pabusten malaso
Ding pundutung a ren karing ‘mapanako’
A lilimid pane king ba’rong akutud
Ding akasya kabang maniaman ta’ tudtud
Pablasang balu rang e ta’ ipaintulut
Ing den akit ta’ lang mipase na kabud
Kapamilatan ding pangil ning lagari
A makapangablad itang biung nang matni;
At nu’ anti ya mong sasagakgak wari
Kabang ing pundutung ta’ya mapipisi.
At papiglo banting ipasyag ing tutul,
Kalupa ning gagawan nang Cecile Yumul,
(A chairperson na ning STC king Rehiyon)
Ching Pangilinan at ning ‘priest-turned-governor;
Kambe ring dakal a kekatang kabalen
A e kumpormi king pangakutud da ren,
Nung nu’ mapalyaring inya arapat den
Pasari na mekad ning hokus-pokus ken
At posibleng ibat pa niang y Atienza
Ing DENR Chief – mika-milagru na,
Nung inya malaguang keti arapat da
Ing anti kaniti a kelan justisya
(Kayalimbawa ning taung miyatulan
Mabite, a e man unabis mirinan
Tsansang idipensa niti king ‘Hukuman’
Ing keyang sarili king patas a laban).
Sakali’t apalto tamung e la sukat
Kuturan ban keta akua nang lumapad
Ning dalan, uli ning sapat ne kalualas,
Abalik da pa ren ing bie rang meyapas?
Ing tutu na, inya mu lalto lang maskup
Ding dalan – lalu na busal da ring lungsud,
Yan, uli ning kelan disiplina alus
Ding keraklan karing tsuper dyip ampon bus.
A manguldas agyang libutad ning dalan
O kaya maniake, king bistama’t bawal;
Inya nu’man anti kalapad itinan
Saskup ya pasari ding alang masabal!
