RICHARD GUTIERREZ joins the league of proud fathers na nag-celebrate ng Father’s Day noong Linggo, June 15 na nagkataon pang binyag at post 1st year birthday celebration ni Baby Zion, anak nila ng girlfriend na si Sarah Lahbati.
Kasama na si Richard sa listahan ng mga unwed fathers na kinabibilangan din nina Quezon City Herbert Bautista, Piolo Pascual, Diether Ocampo, Marvin Agustin, Keempee de Leon, Mark Herras, Paolo Ballesteros at iba pang aktor na kahit may mga anak na ay wala pa ring balak magpakasal o pakasalan ang mga ina ng kanilang mga anak.
Ayon kay Richard, ayaw niyang madaliin ang lahat. Ang mahalaga ay masaya sila ngayon ni Sarah sa piling ni Baby Zion. Maiku-consider ng magkasintahang Richard at Sarah na turbulent year ang taong 2013 sa kanilang dalawa na unti-unti namang nagkaroon ng liwanag pagpasok ng taong 2014.
Dumaan din sa acid test ang kanilang relasyon dahil dito nila lalong na-realize kung gaano kastrong ang kanilang pagmamahal sa isa’t isa laluna nang ipagbuntis at isilang ni Sarah si Baby Zion noong isang taon.
Ayon kay Richard, everything is falling into places sa kanila ngayon ni Sarah.
