(Pinapaalalahanan ni Department of Education Bataan OIC-Assistant Schools Division Superintendent Roland Fronda (kaliwa) na mahigpit nilang pinapatupad ang No Collection Policy sa mga pampublikong paaralan. – PIA 3)
LUNGSOD NG BALANGA — Muling pinaalalahanan ng Department of Education o DepEd Bataan ang mga pampublikong paaralan sa lalawigan patungkol sa No Collection Policy ng ahensya.
Ayon kay DepEd Bataan OIC-Assistant Schools Division Superintendent Roland Fronda, mahigpit nilang pinapatupad ang naturang polisiya sa buong bansa.
Giit niya, may mga kaso siyang natatanggap kung saan may kasunduan ang Parents-Teachers Associations o PTAs at ang mga guro na mangolekta ng kontribusyon sa mga mag-aaral.
Hindi daw palalagpasin ng kanilang Regional Director ang ganitong kasunduan na inoobligang magbayad ang mga estudyante.
Hindi rin kailangan magbayad ng kahit anuman halaga ang estudyante para makapag-enroll o makalipat sa pampublikong paaralan.
Pinapayuhan ang publiko na ipagbigay-alam kaagad sa DepEd ang mga guro or principals na mapatutunayang lumabag sa kanilang polisiya
Ang opisna ng DepEd-Bataan Division Office ay matatagpuan sa Provincial Capitol Compound, Balanga City. Maaring magpadala ng email sa bataan.deped@deped.gov.ph o magmensahe gamit ang Facebook sa www.facebook.com/DepEdBataan. – PIA 3
