Makapagmulalang ing bunduk Arayat,
Kilub ning makabang banuang mengalabas
Ngeni pa milyari ing mika-“landslides,”
A nu’ labing adua lang mete at sukat;
Pasari na kanu ngana ning DENR
Ning antimo waring bubulus ing uran;
(Syempre kaninu pa, pero nanung sangkan
Nung bakit mika-“landslides” a makanian?)
Nung ngana ning matenakan a Direktor
Ning ahensyang iti, Ricardo Calderon,
Ing alang “on going mining” o mangulkul
A meging sangkan ban mebuya ing gabun;
At bilang patune, ing atin la nganang
“Reforestation” ken ngening salukuyan,
Iti mainang klasing pamangatuliran
At alang koneksyun banting palaraman;
Ing ating iligal a aktibidad ken,
Puera karing ngara ating “treasure hunters,”
Ampon aliwa pa… ila na pin man den
A maki “go signal” a “illegal loggers”!
Den mu, nung ala mang “mining activities,”
Atin nang maragul a ibie panganib
Ing pemangulkul da’t pemangawang lukib,
Ding “treasure hunters” ken king e tamu malit.
At nung inamin nang Direktor Calderon
Ing atin pin, pero malambat no’ kanung
Meko karin, at ken ngeni agiang nanung
Iligal a bage ala nang misuplung.
E mangabaldugan ala nang peligru
Ing likuan ding “treasure hunters” keng balu yu;
Kumusta’ing inasual dang gabun at batu
A posibling bigla nang maluslus ustu?
Balu mu nung nanu Direktor Calderon
Ing matsurang epekto niti keng gabun
A pengulkul da ren? Iti siguradung
Mebaya at pihung malagung tulandung.
Potang aplitan ning masikan a uran
A kalupa na pin ning mepalyaring yan
Karing residente ning barangay San Juan;
(Nung nu’ sisisi ra yan king DENR?)
Keng iresponsable nang pamangasiwa
Ning ahensyang iti, at balamu yata
Maklak lang e maklak nung e la man lula,
Inya e ra’kakit ing nanu mang mala;
Iti agpang mu king sariling timalad
Ning kekong “yours truly” king bage merapat;
At nu’ nanan ta’mang isipan banayad,
Lalto ing balamu ‘ting milagrung ditak.
A malyaring memilatan karing adua
Ban ing “treasure hunting” king lugal magawa;
Uling balu ra nang atin baket mo sa’
Pepaburen do’ pang king bunduk minyira?
Inya e malaut, mika cash-sunduan
Pilatan ding tauli at ing DENR;
Ampon ding aliwa pa pung indibidual
Karing mapilan pang mesaglawe bawal.
Kasi imposibleng malaya yang kimut
Ing ninu man banting maun ya king bunduk,
Nung alang opisyal a minie paintulut
King nanu mang bage sarya na o imbut!
Kilub ning makabang banuang mengalabas
Ngeni pa milyari ing mika-“landslides,”
A nu’ labing adua lang mete at sukat;
Pasari na kanu ngana ning DENR
Ning antimo waring bubulus ing uran;
(Syempre kaninu pa, pero nanung sangkan
Nung bakit mika-“landslides” a makanian?)
Nung ngana ning matenakan a Direktor
Ning ahensyang iti, Ricardo Calderon,
Ing alang “on going mining” o mangulkul
A meging sangkan ban mebuya ing gabun;
At bilang patune, ing atin la nganang
“Reforestation” ken ngening salukuyan,
Iti mainang klasing pamangatuliran
At alang koneksyun banting palaraman;
Ing ating iligal a aktibidad ken,
Puera karing ngara ating “treasure hunters,”
Ampon aliwa pa… ila na pin man den
A maki “go signal” a “illegal loggers”!
Den mu, nung ala mang “mining activities,”
Atin nang maragul a ibie panganib
Ing pemangulkul da’t pemangawang lukib,
Ding “treasure hunters” ken king e tamu malit.
At nung inamin nang Direktor Calderon
Ing atin pin, pero malambat no’ kanung
Meko karin, at ken ngeni agiang nanung
Iligal a bage ala nang misuplung.
E mangabaldugan ala nang peligru
Ing likuan ding “treasure hunters” keng balu yu;
Kumusta’ing inasual dang gabun at batu
A posibling bigla nang maluslus ustu?
Balu mu nung nanu Direktor Calderon
Ing matsurang epekto niti keng gabun
A pengulkul da ren? Iti siguradung
Mebaya at pihung malagung tulandung.
Potang aplitan ning masikan a uran
A kalupa na pin ning mepalyaring yan
Karing residente ning barangay San Juan;
(Nung nu’ sisisi ra yan king DENR?)
Keng iresponsable nang pamangasiwa
Ning ahensyang iti, at balamu yata
Maklak lang e maklak nung e la man lula,
Inya e ra’kakit ing nanu mang mala;
Iti agpang mu king sariling timalad
Ning kekong “yours truly” king bage merapat;
At nu’ nanan ta’mang isipan banayad,
Lalto ing balamu ‘ting milagrung ditak.
A malyaring memilatan karing adua
Ban ing “treasure hunting” king lugal magawa;
Uling balu ra nang atin baket mo sa’
Pepaburen do’ pang king bunduk minyira?
Inya e malaut, mika cash-sunduan
Pilatan ding tauli at ing DENR;
Ampon ding aliwa pa pung indibidual
Karing mapilan pang mesaglawe bawal.
Kasi imposibleng malaya yang kimut
Ing ninu man banting maun ya king bunduk,
Nung alang opisyal a minie paintulut
King nanu mang bage sarya na o imbut!
