Ito ang mga katagang binigkas ng isang negosyante nang holdapin ng di pa kilalang tatlong motorcycle riding criminals sa Barangay Liozon sa bayang ito kamakalawa ng gabi.
Kinilala ng pulisya ang biktimang sina Arnie dela Cruz, 40, kasama ang 13-anyos na anak at Vanessa Aque, 34, saleslady, pawang mga residente ng Barangay Liozon.
Ayon sa ulat, papauwi na ang mga biktima mula sa Mildred Grocery sakay ng kanilang service tricycle nang masundan ito ng tatlong suspek na nakasuot ng bonnet at armado ng baril at saka nagdeklarang “holdup”.
Nang tumangging ibigay ng biktma ang kanyang bag ay nagpaputok ng baril ang mga suspek ng dalawang beses na tumama sa kanyang kaliwang hita.
Tangay ng mga suspek ang bag ni Dela Cruz na naglalaman ng kalibre 45 baril na may laman na apat bala; cash money na nagkakahalaga ng P20,000; mga mahahalagang dokumento at mga cellphone na pagmamayari ng kanyang anak at saleslady.
Patuloy ang isinasagawang imbestigasyon ng Palauig PNP para matukoy ang mga suspek.
