Matapos ang Misa ay pinuprusisyon ang poon sa kalsada at pagkatapos ay isinasakay sa bangka ang imahen ng Nazareno at pinprusisyon naman ito sa ilog o sa tinatawag na pagoda.
Nagbabasaan din ng tubig mula sa ilog ang mga deboto na tila bendisyon kapag kapistahan ni San Juan Bautista.
Matapos ilibot at iahon sa ilog ay isinasayaw naman ang Nazareno sa harapan ng simbahan bago ibalik sa altar.
Pagdating naman sa altar, doon na magpupunas ang mga deboto ng mga panyo at hahalik sa poon.
Ayon sa mga deboto, nakagisnan na nila ang ganoong istilo ng selebrasyon nito sa tuwing sasapit ang kapistahan ng Nazareno.
Nagpapasalamat daw sila taon-taon sa poong Nazareno dahil sa pagtupad nito sa kanilang mga kahilingan.
Naging mahigpit din ang pagpapatupad ng seguridad sa naturang lugar at nagpakalat ng kapulisan habang isinasagawa ang pagdiriwang.
