Nanu mo pin kaya ing atyu kang Oca
A e ra bitbit o ala king aliwa
Nung baket itinan bulalag yang bina
Pati na pa karing miayaliwang bansa?
Makanano, karas keng pamanungkulan
Kang Oca ala kang abusbus nanu man
Pablasang king bie na e na pepalyarian,
Ing matsurang bage e dapat apusan.
Inya naman agyang ding e na kakampi
King arena na ning singka-kaba sati,
Y Oca, e ra’sabing akua meng asali
Ban damusakan ing sarili nang tari.
O pasari namu ning bayaranan me
Ing matuling gawan neng malare-lare,
Kang Oca, nung nanu ing talagang kule
Alang pamagbayu angga na king mate.
Pablasang kang Oca pawang katapatan
Ing pamagsilbi nang alang kaplastikan,
At ing mangibabo king keyang tungkulan
Maka-Dios at makataung pararasan!
Oca, king Aldo mung Beitan!
Mayor, maligayang aldo mung beitan
Ing lusuk king pusu a kekaming yampang;
At sana dakal pang masayang anti yan
Ing kanyang bili mu makule paniatang;
At ipagkalam Na sa’ ning Mayupaya
Ing maligayang bie a binang makaba,
Ban ing kasuywan mu king balen kumaba
Kagum na ning likas a kekang ganaka;
Iniasa’t yaduan mi ikeng Fernandino
Ngening kayaldawan ning kebaitan mu
Ing sana dakal pang ibie Na ning Ginu
A masayang aldo ning kebaitan mu!
At uling ditak lang bina ding antika
A tune malugud king balen tang’ sinta,
E mu sa’ kakawang kekami’t karela
Ing dalise lugud mu keti Pampanga.
Ban bukas makadua ikang maging tune
Guyabnan ning masa king matas a adle,
Ning kekang kasuywan a’yalang kapante
King linis, ganaka at tapat makiabe!
Pablasang atiyu keka nung wari sa’
King peka-mayap nang architect ning bansa,
Ing nung makananu yang tumibe gawa
Ing meto’ gusali a matilo bina;
Kapamilatan ning masanting a planu
A nung makananu yang tumibe ustu;
At nu’ anti man sa’ kasikan ing bagyu
O ayun a datang, iti e numanu!
Mayor, ala ke pung kekayu ayampang
Nune ining maluka ming kawatasan,
Ikeng talagambul king amanung sisuan
A nu’ metung kayu karing kekeng guebnan.
Happy Birthday, Mayor ing paulit-ulit
A igkas ding kekang tune kapanalig,
Kambe na ning kaul a misna katigik
Ding kapamilya mu ampon talabitbit!
“HAPPY BIRTHDAY TO YOU,
MAYOR OSCAR S. RODRIGUEZ!”
A e ra bitbit o ala king aliwa
Nung baket itinan bulalag yang bina
Pati na pa karing miayaliwang bansa?
Makanano, karas keng pamanungkulan
Kang Oca ala kang abusbus nanu man
Pablasang king bie na e na pepalyarian,
Ing matsurang bage e dapat apusan.
Inya naman agyang ding e na kakampi
King arena na ning singka-kaba sati,
Y Oca, e ra’sabing akua meng asali
Ban damusakan ing sarili nang tari.
O pasari namu ning bayaranan me
Ing matuling gawan neng malare-lare,
Kang Oca, nung nanu ing talagang kule
Alang pamagbayu angga na king mate.
Pablasang kang Oca pawang katapatan
Ing pamagsilbi nang alang kaplastikan,
At ing mangibabo king keyang tungkulan
Maka-Dios at makataung pararasan!
Oca, king Aldo mung Beitan!
Mayor, maligayang aldo mung beitan
Ing lusuk king pusu a kekaming yampang;
At sana dakal pang masayang anti yan
Ing kanyang bili mu makule paniatang;
At ipagkalam Na sa’ ning Mayupaya
Ing maligayang bie a binang makaba,
Ban ing kasuywan mu king balen kumaba
Kagum na ning likas a kekang ganaka;
Iniasa’t yaduan mi ikeng Fernandino
Ngening kayaldawan ning kebaitan mu
Ing sana dakal pang ibie Na ning Ginu
A masayang aldo ning kebaitan mu!
At uling ditak lang bina ding antika
A tune malugud king balen tang’ sinta,
E mu sa’ kakawang kekami’t karela
Ing dalise lugud mu keti Pampanga.
Ban bukas makadua ikang maging tune
Guyabnan ning masa king matas a adle,
Ning kekang kasuywan a’yalang kapante
King linis, ganaka at tapat makiabe!
Pablasang atiyu keka nung wari sa’
King peka-mayap nang architect ning bansa,
Ing nung makananu yang tumibe gawa
Ing meto’ gusali a matilo bina;
Kapamilatan ning masanting a planu
A nung makananu yang tumibe ustu;
At nu’ anti man sa’ kasikan ing bagyu
O ayun a datang, iti e numanu!
Mayor, ala ke pung kekayu ayampang
Nune ining maluka ming kawatasan,
Ikeng talagambul king amanung sisuan
A nu’ metung kayu karing kekeng guebnan.
Happy Birthday, Mayor ing paulit-ulit
A igkas ding kekang tune kapanalig,
Kambe na ning kaul a misna katigik
Ding kapamilya mu ampon talabitbit!
“HAPPY BIRTHDAY TO YOU,
MAYOR OSCAR S. RODRIGUEZ!”
