Ilang Alkalde dito sa Sentral Luzon
Itong kamakailan ay di lamang honor
Mula sa ‘ting Department of the Interior
and Local Government ang nakuhang pabor
Kundi pati na rin ang tumataginting
Na isang milyong piso na iniabot din,
Bilang ‘cash reward’ sa lahat ng Alkaldeng
‘Awarded’ din namang ‘Seal of Good Housekeeping’.
Sa mga nabigyan dito sa Pampanga
Ng karangalang yan ay kasama sina:
Naguit ng Minalin at ang dalawa pa
Na parehong manding kabaro ni Eba.
Ang isa, si Mayor Leonor Capule-Wong
Ng umaasensong bayan ng San Simon;
At ang isa ay ang Sasmuan town mayor
Na di ko kilala, (kaya di matukoy).
Pero iilan lang sa ‘ting pagka-alam
Ang may tiyak na planong pag-gagamitan
Sa perang natanggap, na kinakailangan
Nilang tumbasan sa local revenue n’yan
Para sa kung anong proyektong marapat
Masimulan sa kanilang komunidad;
At para sa kapakanan nitong lahat
Ng nasasakupan gamitin at sukat.
Sa iilan, na may depinidong plano
Hinggil sa kung saan gagamitin ito
Isa ang Alkalde ng Minalin dito
Sa napakahusay sa ‘budgeting’ nito.
At talaga namang ang mga balakin
Ni mayor “Katoy” sa bayan ng Minalin
Ay kapuripuri at magaganda rin
Kaya marapat lang na siya’y tangkilikin.
Matapos nitong makapagpasalamat
Kay Pangulo, Rebredo at lahat-lahat
Na naging katuwang sa pamamalakad
Ng butihing mayor sa munisipalidad;
Kasama na riyan ang mga ‘department heads’
Sangguniang Bayan at ‘fellow employees’
Para sa lubos na suporta kay Naguit
Kaya ang naturang ‘award’ ay nakamit.
Noon din ay dagling kanyang inilaan
Ang natanggap nitong Performance Challenge Fund
Pati na rin ang ‘LGU’s counterpart fund’
Para sa konstruksyon ng school buildings diyan
Na higit sa ibang marapat tutukan
Ayon kay mayor ay ang pangangailangan
Ng Minalin nitong mga karagdagang
‘School rooms’ para sa mga nag-aaral.
Kung saan sa lahat ng plano ni Mayor
Ang ‘first priority’ nito’y edukasyon,
Kaya naman hayan para makatulong
Ay nangalap pati ng magiging ‘donors’
Para sa kanilang ‘scholarship program’
Upang mabigyan ng suportang pinansyal
Ang mga kapos-palad na kabataan,
Na di kayang paaralin ng magulang.
Kung saan para lamang makapangilak
Ng sapat na pondo siya ay sumulat
Sa mga Kabalen sa State, at lahat
Ng puedeng lapitan sa ibayong dagat.
At nangyari naman ang inaasahan,
Dahil tinugon ng lahat ng kabayan
Ang 10 US$ na ‘monthly remmitance’
Nitong halos isang daang individual.
Na regular nga raw pong nagpapadala,
Kaya naman lahat ng ‘scholars’ niya
Ay patuloy pa ring nakapapasok pa,
Pagkat ‘resourceful’ ang Punongbayan nila!
