Misan ing Director king Mental Hospital
Karin Mandaluyong a sakup ning Rizal
Ikit ne ing pasyenting malapit nang lual,
Mamaduas ya gilid ning baradung kanal.
Sinulud king isip na niting mesabing
Opisyal king mental ing ba’neng atesting,
Kitnan ne ing tau…ban asuring tambing
Nung iti malyari na neng ipalual pin.
“Pilan nong’ ikua mu?”nganing keyang kutang,
“Maniawad ku sana king ba’keng iderang”
“Direk” ngana niti, “nung e ka malintuang
Isipan mung keni makakua kung asan?”
