CANDELARIA, Zambales — Apat katao kabilang ng isang menor de edad ang huli sa aktong nagsusugal ng mga tauhan ng Candelaria police sa bayang ito.
Kinilala ng pulisya ang mga nahuli na sina Christine Joy Jemana, 24; Mark Ehipare, 24; Ruth Castrence, 38; at isang menor de edad na itinago sa pangalang “Pinky,” pawang mga residente ng Barangay Libertador, Candelaria.
Ayon sa pulisya nakatanggapa sila ng tawag sa telepono na may nagaganap na sugalan sa Atrero’s Compound sa Barangay Libertador kung kaya isang operasyon ang isinagawa at huli ang apat na naglalaro ng tong-its at pusoy dos.
Dalawa pa sa mga kasugalan ng mga suspek ang nakatakas matapos mapagalaman ng paparating nang mga pulis.
Ang mga suspek ay nahaharap sa kasong paglabag sa PD 1602 as amended by RA 9287 (illegal gambling), habang ang menor de edad ay nasa custody na ng municipal social welfare development office.
