May iba pa bang solusyon, liban sa recall election?

Kundi seryosa na at yan ay posibleng
Higit sa protesta ay may mararating,
Liban na lang kung may mabago marahil
Sa maraming bagay na kakailanganin.

Kasi, ya’y di isang ordinaryong bagay
Na basta na lamang maisusulong d’yan
Nang walang sapat na rason o dahilan
Upang makuha ang meritong kailangan.

Sabi’y wala raw pong malversation of fund
Sa ginawa ni Gob, kaya’t abswelto yan
At tila malabo siyang makasuhan
Ng administrative sa puntong naturan.

Pero sa Perjury, kung saan si Among
Ay di nagsumite ng kanyang totoong
List of donations at naging expenditures,
Ay baka humatong yan sa pagkakulong!

Pagkat isa yan sa pinaka-mahigpit
Na alituntunin sa mga elective
Na opisyal bago maupo in office,
Maging siya man po ang Chief Executive.

Aywan lang, liban sa nasabing paglabag
Na ating nabanggit sa gawing itaas,
Ay may iba pa r’yang posibleng mahanap
Upang mapadali ang kanilang balak;

Na maisulong d’yan ang recall election
Para mapatalsik sa puesto si Among,
At maghahalal ng bagong Gobernador
Bilang kapalit niya sakali’t matuloy.

Kung saan posibleng si Lilia Pineda
Ay isa marahil sa “best bet” kumbaga;
Aywan lang kung itong dati’y hahabol pa
Ngayong batid na niyang siya’y mahina na.

At tila bawas na ang dating tiwala
Ng mga kabalen nating ang paghanga
Sa mag-amang Lapid ay biglang bumaba
Nang ang income sa quarry lumaking bigla!

And the rest, history nang maituturing
Na matatala sa kasaysayan natin;
Kasama pati na itong gaganaping
Recall na ngayon lang mangyayari sa ‘tin.

At dating alagad pa mandin kabayan
Ng simbahan itong subject ng recall d’yan,
Kung kaya di lamang sa ‘ting lalawigan
Magiging paksa yan ng usap-usapan;

Kundi pati na sa iba pang lupalop
Kung saan posibleng ito ay umabot,
Pagkat siya pa lang ang Paring naging guv
At ngayon ay paksa nga po ng recall move;