Sabi ng supervising producer ng BG Productions na si Dennis Evangelista, umokey na si Xian at ang handler nito sa Star Magic para sa project, pero last minute, nagkaroon ng konting aberya na naging dahilan nga para hindi na siya matuloy sa Tupang Ligaw.
“Gustung-gusto ni Xian na gumawa ng action film pero dahil may respeto siya sa Star Cinema, ’di na niya tinanggap ang project,” sey pa ni Dennis.
Masaya naman si Matteo na gagawa siya ng action film. In fact, nag-storycon na nga ang Tupang Ligaw at nag-meeting na rin sila ni Direk Rod at ng iba pang cast ng pelikula.
Hinihintay ng press si Matteo sa storycon ng Tupang Ligaw pero hindi siya nakasipot. May taping daw siya that time ng Inday Bote series at hindi siya kaagad natapos. Present naman sa story-con ang leading lady niyang si Bangs Garcia, ang producer na si Baby Go at ang first-time director na si Rod.
Wala rin si Paolo Contis na kontrabida ni Matteo sa pelikula during the story-con dahil nagkaroon ng miscommunication regarding sa oras ng kanyang pagdating.
In fairness, bagay kay Matteo na mag-action dahil physically fit talaga siya at nagta-triathlon pa.
Anyway, tinanong namin ang produ kung bakit very eager siyang mag-produce ng mga indie film. Ang sagot niya: “Gusto kong makatulong sa movie industry kahit sa maliit na paraan na nakakapagbigay ako ng trabaho sa mga artista at production staff. Masarap ’yon sa pakiramdam.”
