(Karugtong ng sinundang isyu)
Ng kanyang mensahe patama sa bawat
Isa sa kapwa niya ‘elected officiala,’
At buong lugod na kanyang hinikayat
Na sana ay magkaisa silang lahat
Sa iisang landas na magiging daan
Ng pag-unlad nitong ating lalawigan,
At ikabubuti pati ng ugnayan
Nitong mga bagong halal na opisyal
At ang aniya’y “Agyang e ko’ kampi-kampi
ketang milabas a alalan, ing buri
ku sana arap ning Obispo’t ding Pari
ipangaku ta’ ing bayu kayu muli
Kalinguan tana’ing milabas a eleksyon
kalual king pisamban” – at misasanmetung
Magobra para king malagung paintungul
Na ning Pampanga ing nasa nang Governor.
“Pinili ko” aniya, “na dito ganapin,
Sa matandang simbahan ng San Agustin
Itong maramihan po naming ‘oath-taking’
Upang ito’y maging memorable sa ‘atin.
At di malimutan ng kapwa ko halal
Na opisyales ang ipinangako n’yan
Sa Obispo’t ating mga Kaparian
Ang sa kanila ay aking kahilingan”.
Matapos ang misa, isinunod ni Gob
Ang hinggil sa kanyang mga napatapos
Na proyekto niyang makailangang lubos
Sa bayan-bayan at siyudad nitong sakop.
At isa-isa rin niyang pinamalita
Sa harap ng bayan ang mga nagawa
Ng administrasyong Pineda, magmula
Maupo ang butihing ‘Nanay’ ng madla.
Mga iskwelahan, ospital at saka
Ilan pang gusaling pambayan ang una
Niyang pinagawa maliban sa iba
Na kasalukuyang ‘under construction’ pa
Sapagkat batid ng ating Gobernador
Na higit at lubos siyang makatutulong
Sa sambayanan kung itong edukasyon
At kalusugan ang unang maisusulong.
Pati kung magkano ang kita sa ‘quarry’
Ng Kapitolyo ay kanya ring sinabi;
Na kung saan tila muntik nang dumoble
Kaysa nang kay Among ay biglang lumaki
Ang buwanang ‘income’ ng ating probinsya
Kumpara noon na ang isang taong kita
Sa panahon ng mag-tatay na artista,
Na naging Guv din ay pang-‘one month’ lang pala?
(Kaya nga sa puntong ito’y di milagro
Nang maituturing ang naturang isyu,
Gaya r’yan ng pagka-tuklas ni Panlilio
Nang siya ang maupo d’yan sa Kapitolyo?)
At iba pang bagay na kasiya-siya
Ang nabanggit pati ng Gobernadora
Sa kanyang mensahe na animo’y SOPA
Na ang dating nito sa bawat bisita
Pagkat maliban sa ating natalakay
Hinggil sa malugod na hiling ni ‘Nanay’
Na sana ay magka-isa na ngang tunay
Ang lahat para sa maganda niyang pakay
Na makapaglingkod sa nasasakupan
Ng bukal sa puso ang serbisyong bigay,
Ay magkapit-bisig para sa tuluyang
Pag-unlad ang lubos binigyan ng saysay!
