Malapit nang magsimula ang pinakabagong de-kalibreng teleseryeng kukumpleto sa Kapamilya Gold ng ABS-CBN, ang “Kung Ako’y Iiwan Mo” na pagbibidahan nina Jake Cuenca, Bangs Garcia at Shaina Magdayao.
Tuklasin ang mapangahas na kwento ng pagbuo ng pangarap na susubok sa tatag ng pagkatao, pagmamahal sa pamilya at pag-iibigan nina Paul (Jake) at Sarah (Shaina) dahil sa paghahadlang ni Mia (Bangs).
Sa limang araw na unang episodes nito, ang sarap-sarap panoorin sa hapon ang dalawang magaling na actor na sina Philip Salvador at Christopher De Leon. Naiyak kami sa death scene .
Natutuwa naman kami at naiinis sa walang humapay na pagiging ‘ampalaya’ ni Gloria Diaz kay Sandy Andolong. First week pa lang, matindi na ang pasabog sa seryeng ito.
Bubuo sa ‘star-studded’ cast sina Gloria Diaz, Sandy Andolong, Maria Isabel Lopez, Ronnie Lazaro, Dick Ysrael, Nikki Valdez, Jojit Lorenzo, Ron Morales at David Chua; kasama din sina Christopher de Leon at Philip Salvador para sa kanilang natataning pagganap at ang young stars na sina Paul Salas at Mariel Pamintuan.
Ito ay sa ilalim ng direksyon ni Manny Paloat Lino Cayetano. Huwag palampasin ang pagbubukas ng kuwento ng “Kung Ako’y Iiwan Mo” ngayong April 16 (Lunes) pagkatapos ng “Mundo Man ay Magunaw” sa Kapamilya Gold ng ABS-CBN.
