Misan man para king sariling kailangan
E pa miliari ing meniad kung kasaupan
Karing malingap a ipus ning balayan
Ban magpaulu ku o magpa-ospital;
Pero pauli na ning aliwang tau
A mengailangan ken king suporta tamu,
Mepilit kung dela ke king Kaptilyu
Ban king gobernador paniawad apelu.
Dapot kasakit na pala ning pasaup,
Lipat me pa rugu itang magpalimus;
Apalak-palak mung mebisa ne y Gob,
Sukat mung atin pang mekialam na kabod?
A keta kulang na ing e ne sinangal
Migit king kapitna ing malino dindam,
A papabie niting ‘financial assistance’
Para king mesabing maniawad kasaupan;
A’yala na rugung balung pilisunan
Ban itang anak nang atyu king ospital,
Akua neng isaling panulung kailangan
Kapamilatan ning tau ming lepitan.
At ing e masanting, makasukal pang lub
Ing amanu niting kekami na bignus:
King ngana agia pang ninu ing sumaup
Nung e na apruban alang mipagkalub.
Mapaliaring tutu ing keyang sinabi
Pero e na bala, pikabaluan ta’ iti,
King aliwa mu rin datang king antiti
Ing ating padrino, matulid a sabi?
E na kasi kabas ning alang unabis
Kakilala kareng ‘tiu keng public service;
Den nung balu ra kang ‘mediaman’ mabilis
Itang istima ra ding mingatbang panig!
At nu’ pasari na nitang e masampat
A pamagserbisyo ra o pamakiarap,
Ken ya masisira ining taung dapat
Pagsilbian da reti ba’yang e mapintas!
Posibleng tutu ing sinabi ra reti
King e ro’ sisinuan ding istiman deti,
Pero king sabian ku, tanggapan da’t ali
Aliwa ya mu rin ing ating ‘sinabi’!
Ngaku wari, karas keng pamaglapitan
Medyu lalon da keng tau ren nung misan;
Kesa karing dakal e ra pansin man
Ding keraklan karen karas keng makanian.
Pero nung balu rang ala kang lilele
At ing akakit mu, sabian mu’t sabian me,
Sabian kung tapatan ta’ ka pamu ume
Mamuklat salita pasangkap neng kape.
Puera mu siguru karetang balu ra
A binang masiri keng pamagdilensya;
A’yanti mo retang AC/DC ngara,
Ampon aliwa pang ken pane pipila.
Pero lalam na ning kakung kakaluluan
Ing bage antiti e ku penugalian;
Nune nung e mu pin king antimo kanian
A ngara pin kabud ‘a humanitarian’!
Pero kabayat ning ating masakit
Uli nitang bina pin rugung masakit
King metung a tau ita ning masakit
A panamdaman na nung ‘tin yang masakit!
E pa miliari ing meniad kung kasaupan
Karing malingap a ipus ning balayan
Ban magpaulu ku o magpa-ospital;
Pero pauli na ning aliwang tau
A mengailangan ken king suporta tamu,
Mepilit kung dela ke king Kaptilyu
Ban king gobernador paniawad apelu.
Dapot kasakit na pala ning pasaup,
Lipat me pa rugu itang magpalimus;
Apalak-palak mung mebisa ne y Gob,
Sukat mung atin pang mekialam na kabod?
A keta kulang na ing e ne sinangal
Migit king kapitna ing malino dindam,
A papabie niting ‘financial assistance’
Para king mesabing maniawad kasaupan;
A’yala na rugung balung pilisunan
Ban itang anak nang atyu king ospital,
Akua neng isaling panulung kailangan
Kapamilatan ning tau ming lepitan.
At ing e masanting, makasukal pang lub
Ing amanu niting kekami na bignus:
King ngana agia pang ninu ing sumaup
Nung e na apruban alang mipagkalub.
Mapaliaring tutu ing keyang sinabi
Pero e na bala, pikabaluan ta’ iti,
King aliwa mu rin datang king antiti
Ing ating padrino, matulid a sabi?
E na kasi kabas ning alang unabis
Kakilala kareng ‘tiu keng public service;
Den nung balu ra kang ‘mediaman’ mabilis
Itang istima ra ding mingatbang panig!
At nu’ pasari na nitang e masampat
A pamagserbisyo ra o pamakiarap,
Ken ya masisira ining taung dapat
Pagsilbian da reti ba’yang e mapintas!
Posibleng tutu ing sinabi ra reti
King e ro’ sisinuan ding istiman deti,
Pero king sabian ku, tanggapan da’t ali
Aliwa ya mu rin ing ating ‘sinabi’!
Ngaku wari, karas keng pamaglapitan
Medyu lalon da keng tau ren nung misan;
Kesa karing dakal e ra pansin man
Ding keraklan karen karas keng makanian.
Pero nung balu rang ala kang lilele
At ing akakit mu, sabian mu’t sabian me,
Sabian kung tapatan ta’ ka pamu ume
Mamuklat salita pasangkap neng kape.
Puera mu siguru karetang balu ra
A binang masiri keng pamagdilensya;
A’yanti mo retang AC/DC ngara,
Ampon aliwa pang ken pane pipila.
Pero lalam na ning kakung kakaluluan
Ing bage antiti e ku penugalian;
Nune nung e mu pin king antimo kanian
A ngara pin kabud ‘a humanitarian’!
Pero kabayat ning ating masakit
Uli nitang bina pin rugung masakit
King metung a tau ita ning masakit
A panamdaman na nung ‘tin yang masakit!
