Nung ngara y Atsing Glo atin yang intensyon
Makiapus king gewa na kanitang Macoy,
Ban manatili yang atyu king posisyon,
Yan malaut gawan ning supling ning Lubao!
Uling agyang ba’ta ra neng pakisiran
Ding aliwang ala na’tang balung daptan
Nune alasak de’t kaibat ila naman
Ding mugit king timun na ning kapamalan;
E na pa marahil isipan ing bage
Kaparalanan a ala pang aibie
Tune karatunan at mapayapang bie
King insa’mang labuad iti ginamit de.
Uling ing martial law, balu nang mistula
Ing labi ning tau anti miang sinima
Ban ing nanu pa mang maling pemangawa
Ning metung a lider e’tamu asagka.
Pero uli na pin ning e na intensyon
Gawan ing makanian antimong pekapun,
King agyang ing sablang bage e manayun,
Inapus da keya e ya pepaypikun.
Kapurian wari o dangalan ding malda
Ing akbakan me at ilarawan kusa
Antimong litsun ing lider na ning bansa,
King ba’mung apakit ing e ka matula?
King pamanungkulan ning metung a lider
Kabang atin namang solusyon para ken
Banting ikuldas de, mumuna ne karen
Itang ‘due process’ a ausan dang ‘impeachment.’
Kalupa na’mo nian palako nia murin
Nanu’t e ta’na mu rugu manaya pin,
Imbes king misip tang’ bage e masanting
A itamu naman ing magnerbyus tambing.
Uling ing martial law bisa ka’t e bisa
Alang ibie mayap king metung a bansa;
Pablasang ing miral dakpanan menasa
Kabud king militar mibie ing upaya.
Natural mu bilang Pamuntuk Estadu,
Ing Commander-in-Chief y Gloria Arroyo;
At agawa na ngan kilub ning Palasyo
Ing anggang buri na pati kekatamu!
Dapot uling lubus nang kabaluan Madam
King iti lalu mung mamungang kaguluan;
Mapalyaring e na tinap-tinapan man
Ing pitatakutan ding keyang kalaban.
Nune nung buri na mang pakaban mekad
Ing pangalukluk na, e king e ya kuldas,
Nune Diputadu na mu’ing keyang balak
Tagalan, e baling medyu makapintas.
Pero nung ikami ing kukutnan mu, Mam
Mayap pa sigurung e na’ ko tatagal,
Uling pota rugu mibangun yang miuman
Y Apung Dadong king marimlang kutkutan;
Pablasang angga na king mewala ya bie
E na leukanan ing dangal nang tagle,
King nanu mang bage pakababang adle
A e ikapuri at idalang mate!
Makiapus king gewa na kanitang Macoy,
Ban manatili yang atyu king posisyon,
Yan malaut gawan ning supling ning Lubao!
Uling agyang ba’ta ra neng pakisiran
Ding aliwang ala na’tang balung daptan
Nune alasak de’t kaibat ila naman
Ding mugit king timun na ning kapamalan;
E na pa marahil isipan ing bage
Kaparalanan a ala pang aibie
Tune karatunan at mapayapang bie
King insa’mang labuad iti ginamit de.
Uling ing martial law, balu nang mistula
Ing labi ning tau anti miang sinima
Ban ing nanu pa mang maling pemangawa
Ning metung a lider e’tamu asagka.
Pero uli na pin ning e na intensyon
Gawan ing makanian antimong pekapun,
King agyang ing sablang bage e manayun,
Inapus da keya e ya pepaypikun.
Kapurian wari o dangalan ding malda
Ing akbakan me at ilarawan kusa
Antimong litsun ing lider na ning bansa,
King ba’mung apakit ing e ka matula?
King pamanungkulan ning metung a lider
Kabang atin namang solusyon para ken
Banting ikuldas de, mumuna ne karen
Itang ‘due process’ a ausan dang ‘impeachment.’
Kalupa na’mo nian palako nia murin
Nanu’t e ta’na mu rugu manaya pin,
Imbes king misip tang’ bage e masanting
A itamu naman ing magnerbyus tambing.
Uling ing martial law bisa ka’t e bisa
Alang ibie mayap king metung a bansa;
Pablasang ing miral dakpanan menasa
Kabud king militar mibie ing upaya.
Natural mu bilang Pamuntuk Estadu,
Ing Commander-in-Chief y Gloria Arroyo;
At agawa na ngan kilub ning Palasyo
Ing anggang buri na pati kekatamu!
Dapot uling lubus nang kabaluan Madam
King iti lalu mung mamungang kaguluan;
Mapalyaring e na tinap-tinapan man
Ing pitatakutan ding keyang kalaban.
Nune nung buri na mang pakaban mekad
Ing pangalukluk na, e king e ya kuldas,
Nune Diputadu na mu’ing keyang balak
Tagalan, e baling medyu makapintas.
Pero nung ikami ing kukutnan mu, Mam
Mayap pa sigurung e na’ ko tatagal,
Uling pota rugu mibangun yang miuman
Y Apung Dadong king marimlang kutkutan;
Pablasang angga na king mewala ya bie
E na leukanan ing dangal nang tagle,
King nanu mang bage pakababang adle
A e ikapuri at idalang mate!
