Marian, tutuparin ang kontrata kahit buntis

KAHIT two months pregnant ngayon ang Primetime Queen na si Marian Rivera, patuloy ang taping niya ng malapit nang magsimulang teleserye na “The Rich Man’s Daughter” dahil kailangan niya itong tapusin bago pa man tuluyang lumaki ang kanyang tiyan. Pagkatapos nito ay pansamantalang magpapahinga ang misis ni Dingdong Dantes para naman bigyan – daan ang kanyang pagbubuntis.

Since mainit ang panahon at mai-stress si Marian sa malalayong location ng “Juan for All, All for Juan” na segment ng “Eat Bulaga” kung saan niya kasama sina Jose Manalo, Wally Bayola at Paolo Ballesteros, pahinga muna siya sa nasabing portion.

Tutuparin at haharapin din ni Marian ang iba pa niyang mga commitments habang kaya pa niya at hindi pa gaanong obvious ang kanyang tummy.

Masayang-masaya ang mag-asawang Marian at Dingdong na magkakaroon na sila ng baby at tiyak na kumpleto ang kanilang celebration ng Christmas dahil meron na silang bagong karagdagan sa kanilang pamilya.

Ang Christmas 2015 ay ang magiging unang Pasko bilang mag-asawa nina Marian at Dingdong at ang maganda pa, magsi-celebrate sila ng Christmas kasama ang kanilang magiging panganay na anak.