Malaking tagumpay ang autograph signing ni Marian Rivera para sa January issue ng FHM last Sunday sa Robinsons Galleria. Muntik pang magka-stampede dahil natagalan ang paglabas ni Marian dahil sa print and TV interview.
Sabi ng staff at security ng FHM, ang autograph signing ni Marian ang most attended cover signing ng magasin.
Alas-kuwatro ng hapon naka-schedule ang autograph signing, pero 1:30 p.m. pa lang, mahaba na ang pila.
May mga pumila na hindi na napirmahan sa rami nang dumating.
Naging family day ang autograph signing ni Marian dahil may mga batang nakipila kasama ang kanilang mga magulang. Ang iba pumila hindi para magpapirma kundi para makita ang aktres. Marami ring kababaihan ang pumila.
Dapat two hours lang ang autograph signing, pero sa rami nang dumating, na-extend ito. Tweet ni Allan Altera “I salute #MarianRivera for staying & extending 4 an hour and accommodating an estimate of about 700 fans who came with their #FHM150magazine.”
