MATAPOS ang apat na buwang pagkalap
namin ng basehan ng isa kong anak
upang ang doctor na nagsagawa agad
ng pag-dialysis sa mahal kong kabiyak
Nang di muna nito kinausap ako
at basta na lamang nag-apura ito
sa pagsagawa ng naturang proseso,
na nagbunga ng di magandang senaryo
At ikinamatay ng mahal kong kabiyak,
ya’y isang bagay na di mapapalampas
ng aking sarili at siyam na anak,
na di namin gawin ang karapatdapat
Para mapanagot si Ismael Ramos
sa ‘untimely death’ ng Ina nilang irog
at esposang sa’kin nagmahal ng lubos
mula’t sapol kami’y sa altar dumulog
Hanggang sa ang buhay naming mag-asawa
sa iisang bubong na puspos ng saya
ay sakluting bigla ng pait at dusa
sa pagkamatay ng mahal nilang Ina.
Kaya gaano man sila kababait,
yan ngayo’y may alab ng poot sa dibdib,
laban sa (aywan) kung yan nga’y Nephrologists
o ‘killer doctor’ na lubhang mapanganib?
Kung saan base sa aming natuklasan
na di karaniwan sa katulad niyang
propesyonal at kilala sa lipunan,
ang kay Ramos ay may malaking kaibhan.
Saan dito sa’tin sa Pampanga mismo
tayo makahanap ng katulad nito,
na sangkatutak ang kaso sa husgado
at malaking pera ang ‘involved’ umano?
Sa anila’y kanyang kinasasangkutan,
na isang uri ng ‘multi-million’ yatang
‘scam’ na siya mismo ang founder n’yan bilang
ayon sa ‘sources’ na mapapanaligan.
At d’yan alalaon baga pumapasok
ang ating hinala na si Dr. Ramos
ay may niloko siya sa style niyang bulok,
kaya inihabla ng mga investors.
At para madaling kumita ng pera,
na maipambayad sa mga naghabla,
ang propesyon nito ang ginamit niya
upang makalikom kaagad ng kuwarta?
At kaagad-agad ‘instant dialysis’
ang ‘sinasagawa sa ilang maysakit
para kumita ang kanyang ‘dialysis
center,’ malapit sa ‘crossing’ ng Apalit?
At kung saan tama’t sa ilang ospital
dito sa Pampanga ginagawa nga n’yan
ang pag-dialysis, pero kasunod niyan
ay sa Apalit na pinapupunta ‘yan!
Sa puntong naturan ay ano pa kaya
kundi ng ‘personal interest’ na nga
ni Ramos ang higit mahalaga yata,
di baleng manganib ang buhay ng kapuwa?
Kaya’t nagawa niya sa aking esposa
ang pag-dialysis nang di muna nga niya
kinausap man lang at/o pinapirma
sa ‘waiver,’ ang dapat pumirma talaga?!
