Itong ‘photocopy’ ng sulat ni Perez,
Na kasalukuyan ay ‘municipal treas’
Ng isang bayan sa parte ng 4th District
Ng Pampanga upangabisuhin ulit
Nito ang‘occupant’ ng real property,
Nang ngayon ay 3rd Class ng municipality,
Para sa rental n’yan, na pina-‘recopy’
Ng nagnanais na muling mag-alkalde
At pinamimigay sa bawat marating
Na lugar, kahit pa man sa unang tingin
Ay di ‘campaign material’ na maituturing
Para sa grupo ng ‘subject person’ natin.
Pagkat ito’y sulat paalala lamang
Sa ‘addressee’ nitong nagpadala nga n’yan,
Kaya naisip kong basahing mataman
Kung anong mayrun sa papel na pamigay
At sa’king maingat na pag-analisa
Sa nilalaman n’yan ay maliwanag na
Masasakyan na ya’ysulat paalala
Lang ng Ingatyaman sa isang umukupa
Ng ‘business space’ na ang munisipyo
Ang may-ari at si Perez ang kahero;
At ang pinadalhan niya ng abiso
Ay itong ‘tenant’ na umukupa nito.
Upang magbayad ng kaukulang rental
Para sa nasabing puestong paupahan,
Pero ano’t tila nililigaw naman
Ng namumudmod ng sulat na naturan
Ang mga kabalen sa napakalaking
Maling impormasyon na maituturing,
Na kung saan pati ang sarili ating
‘Real property’ raw ba ay sisingilin?
Nang naa-ayon sa laman diumano
Ng sulat, pero nang ito’y mabasa ko
Ay maliwanag na sa lupang gobyerno
At/o puestong ang may-ari’y munisipyo
Itong nasasaad sa nasabing sulat
Na kinakailangang singilin ng rentas,
Buwis o anumang bayaring marapat,
Base sa ‘ting mga panuntunang batas.
Kaya itong klaseng ‘demolition drive’ nyan
Laban sa ‘incumbent mayor’ nitong lugar,
Kung saan ang sulat na yan ay pamigay
Ay maliwanag na paninira lamang.
Sapagkat anhin man nating pakatingnan
Ang sulat ay wala itong nilalaman
Na kagaya nga ng pagka-unawa n’yan,
Kaya nga’t posibleng yan ay panlilinlang.
Maliwanag na ang pag-aari mismo
Ng pamahalaan o ng munisipyo
Ang ‘subject matter’ ng sulat ng kahero,
Ano’t ililigaw n’yan ang mga tao?
Aywan lang kung iba ang pagka-intindi
Ng dating mayor at ng kasama pati
Sa nilalaman ng sulat na nasabi,
Kundi man talagang wala nang masabi
O ibang paraanna maisip para
Sirain si mayor at sila kumbaga
Itong sa halalan muling makatsamba,
Sa paraang hindi na kaaya-aya.
Di ko sinasabing maliit ang tsansa
Ng dating mayor na mananalo siya,
Pero ngayon pa lang ay kitang-kita na
Ang takbo ng kabayo niyang pangarera!
