Marahil nangyari ang magkaroon iyan
Ng gobernador na katulad ni ‘Nanay’
Na may sinseridad sa tungkuling taglay
Kung saan maliban sa napakasipag
Ay tunay naman ding mahusay at tapat
Sa gampaning naka-atang sa balikat
Bilang ‘Ina’ ng kaprobinsya at lahat
At nitong iba pang kahit di ‘kadugo’
Ay nabigyang tulong na bukal sa puso
Ng butihing Gob na walang tinatago
Na anumang bagay na puedeng bumaho
Dahilan na rin sa lantad ang lahat na
Ng opisyal nitong pagkilos sa tuwina,
At lahat ng ‘income’ ng Capitol kita
Ng mata ng kanyang mga kaprobinsya
At kung ano pati pinagkagastaan
Ng kabangbayan ng ating lalawigan
‘Accounted’ ultimong kusing – at kung saan
Nagamit – at walang ‘ghost project’ isa man.
Kung kaya naman ang ‘millions of pesos’ na
Kinita sa ‘quarry’ ng ating probinsya,
Yan sa iba’t-ibang proyekto napunta
At di kung kaninong malalim ang bulsa.
Sa tatlong oras na SOPA ni Governor
Ay paisa-isang maliwanag nitong
Naipahayag sa mga sandaling iyon
Ang bilyong pisong kinita ng capitol
Sa loob lamang ng limang taon halos
Na higit ang laki kaysa noong ang Gob
Ay ang mag-ama pang ’12 years’ na naluklok
Ngunit ang kita sa ‘quarry’ kapiranggot!
Di ko sinasabing ibinulsa nila
Ang ‘millions of pesos’ na dapat kinita
Ng Capitol noong sila ang nand’yan pa
Pero di ba’t lubhang nakapagtataka?
Ang biglang pagsirit kung walang anumang
‘Hide & seek’ sa ‘income’ natin sa naturang
Likas na yamang bigay ng kalikasan
Kung di nagkaroon ng ‘hokus-pokus’ diyan?
At nang maupo lang ang ‘priest-turned-governor’
Lumobo ng bigla ang ‘daily collection,’
Kaya anong posibleng isipin nitong
Ating kaprobinsya kung di binulsa iyon?
At ngayong si ‘Nanay Baby’ na ang siyang
Nakaupo bilang Punonglalawigan,
Makasampung beses mang ya’y i-multiply
Baka hindi pa rin makayang tumbasan?
Kaya naman nitong nakaraang SOPA
Ng ating mabait na Gobernadora,
Saludo ang lahat ng mga bisita
Partikular ang kapwa opisyal niya
Gaya halimbawa ni Cong. Oca at Yeng
Mayors EdPam, Boking, at ngayon incumbent
Arayat town Mayor na si “Bon” Emmanuel
(Alejandrino) na ‘Idol ng Kabalen’.
At ng marami pa, tulad nina Mayors
Annette Balgan ng famous Macabebe town,
Leonora Capule-Wong nitong San Simon
At iba pang nagsidalo sa okasyon.
Na di na kailangan pang isa-isahin,
Baka may masabi akong di dumating;
Sa kabuuan ay masasabi nating
Ang SOPA ni ‘Nanay’ “super and very clear”.
At madaling maunawaan ng lahat
Pagkat detalyado nga ang pag-uulat
Ni Gob sa SOPA niyang mahigit tatlong oras
Inabot pero ang ‘audience’ di nabawas!
