Mar Roxas, na ang kanyang pagtakbo bale
Sa pam-panguluhan ay makabubuti
Ang umano’y suporta ni Presidente
Para masungkit ang puwestong iiwanan
Nitong isa sa darating na halalan,
Mas makabubuti marahil sa kanyang
Pagtakbo ang huwag nang kay PNoy sumandal
Dahilan na rin sa kay BS Aquino
Ay walang gaanong simpatya ang tao
Kung kaya nga’t imbes makatulong ito,
Di malayong makabawas pa ng boto.
Sanhi na rin nitong di naging maganda
Ang performance nito sa mata ng masa,
Maliban sa mga kapalpakan niya
Na ikinasira ng lubos kumbaga.
At sa ganang aking sariling palagay
Ay kabaligtaran ng Tatay at Nanay
Ang ilan pang kanyang naging kapintasan
Sa panahon ng kanyang panunungkulan
Na di ikapuri ng angkang Aquino
Kundi bagkus kabaligtaran siguro,
Kasi nga’y batbat ng anomalya mismo
At grabeng korapsyon ang pag-upo nito
Nang dahil na rin sa kanyang alipores
Na napabalitang di lamang milyones
Ang sa kabang-bayan kanilang nakupit
Sa pamamagitan ng mga ‘ghost projects’
At iba’t-iba pang klaseng anomalya
Na talaga namang sabi’y sobra-sobra
Ang ipinalabas na malaking pera
Ni Abad, na aywan kung saan napunta.
Kaya nga’t sa isang banda’y kapintasan
Ang kinahinatnan ng ‘Tuwid na Daan’
Ni PNoy nang dahil sa kabaligtaran
Sa kalagitnaan ang kinasapitan!
Kung kaya sa puntong yan ay papaano
Matutulungan si Roxas ni Aquino,
Ngayong itong nais sandalan ng husto
Ni Mar ay wala nang karisma sa tao?
Di ko sinasabing di makatutulong
Sa kampanya ni Mar si Pangulong PNoy,
Pero kung dito lang sa Pampanga Region
Ang mamanukin niya’y pihong talo ngayon.
Lalo’t kagaya n’yan na si Grace Poe yata
Ay nagpahayag na ng tunay na nasa,
At pagka-Pangulo na ng ating bansa
Ang target imbes kay Mar ay tumiket nga
Para maging Bise niya sa darating
Na ‘national & local election’ natin,
At ngayo’y purnada na sa pangyayaring
Ang ‘controversial Poe’ pala’y hahabol din?
At kaya anhin man palang haranain
Ng kampo ni Roxas para makapiling
Bilang ka-tandem niya ay panay ang iling,
Sapagkat siya pala nama’y may balak din?
Sa puntong ito ang tanging masasabi
Natin ay bahala na r’yan ang botante
Sa sinumang hahabol pang Presidente
Maliban kina Poe at Mar Roxas pati!
