HERMOSA, Bataan — Mahigit 1,500 tao ang sumali sa “Hataw – Takbo” na ginanap sa bahagi ng MacArthur Highway dito noong Sabado, Pebrero 3.
Ang mga kalahok sa 16K, 10K, 5K at 3K runs ay hindi lamang mula sa Hermosa kundi ganoon din sa mga kalapit bayan sa lalawigan.
May 300 kalahok sa 16K at 10K ang nabigyan ng finishers medals.
Pinangunahan nina Gov. Jose Enrique Garcia 3rd, Vice Gov. Cris Garcia, at Hermosa Mayor Jopet Inton ang aktibidad.
Ang “Hataw – Takbo” ay isang proyekto ng pamahalaang-panlalawigan sa pagsusulong ng malusog na pangangatawan at aktibong pamumuhay para sa matatag na pamilyang Bataeño. Ginaganap ito by rotation sa 11 bayan at isang lungsod sa Bataan.
Pangalawang leg na ito sa Hermosa at una sa Bataan sa 2024 ang mas pinasaya, mas pinakulay at mas bonggang okasyon.
