Laclac – istilung balamu mengan ya ing babi
Samasnan – larinan; cumpunian
Sumpalan – tacpan; isara; Ibuclat – ibusni
Sabianan – panaralan, yusuc keng mayap
Yacma – itamac, ike king acmang paglugalan
Apoywan – usucan, paywan, turuanan
Pamarisan – pakiapusan, tularan, idoluan
Mamasiag – dumiga, magparamdam
Makitugpa – makiabe, makicuyug
Micalucu – milablab ing api, meragul ing silab
Meyampat – mepigil; Memandal – mitucnang
Mesalampitac – mesalaula, mepulcuria
Panimanman – panlalawe, acakit
Bigung calma – alang suerte o dimalas
Lumuyun – lumibut, maglacad-lacad
Masamyung sampaga – mabanglung bulaclac.
Masalilung – macapampan keng aslag ning aldo
Sisimpan – sisinup, sasalicut, e buring ipakit;
Salapungan – cruz a dalan, (Intersection in English)
Lalatlat – sisingit, sasamal; Sisigi – pipilit
Masalpitic – matapang, gereru, alang kikilingan
Pamakilamas – pamakigyera, pamakidigma
Alang canlap – alang tacut, alang pangilagan
Durungdungan – ing acakit banda lalam.
Calacaran – patacaran; tiuntunan – programa
Susuldan – antimong biga keng caputi
Meging pisac (ing bengi) – sobra cadalumdum
Ulicba – matuling; Macuniat ya – milalu ya catipid
Alang kikilingan – e tatacut, alang pasubalian
Waldas – gastarul; Bulang gugu – atin ngeni, pota ala
Pepa-kodak – pepalitratu; Peparakit – pepasundu
Penyumpal busbus – pemalit keng taung e siniput
Paltabugin – malaguang magtampu
Baugin – kuayan a e sumilbing paglande
Taliptip – mangalating cabibi a pamangan itic
Balibid – metung a uring susu a pamangan tau
Dayatan – asican, marangle
Lauta – pitatamnan atbu, mais, singcamas at mani
Laganas – laganap, todus panahun atin
Macasora – macabuysit, macalaco gana
Api – pamalaman keng samat deng mamama
Minangun – angganan ning lauta at palayan
Pilapil – angganan ding asican o palayan
ding balang ortelanu at ning balang catau.
Pacawasa – minindal; Paugtuan – abacan
(waman keng aliwang balen ing ‘abacan’
almusal ya karela; at ing ‘tinape,’
particular caring aliwang tau Macabebe,
‘Putu’ ing yaus da caring egana-ganang tinape
pati caring Biskwit, Hopia, Ensaymada, Monay;
cabang ding Cutsinta at Putu ila ring taganang
dapat ausan tamung ‘Putu’ bilang Capampanga?
At ken king Bacolor, ing “Ulam” carela,
“Asan” ing aus da pati keng tinola
yang manuc, gule o nanu mang clasing ulam,
agiang iti carni yang babi, damulag o baca.
(Atin ya pang casuglung)
