DI NA MAGTATAGAL, maiibsan na rin
Ang matinding trapik na matagal na ring
Sakit ng ulo r’yan ng nakararaming
Mga motoristang nagdaraan sa’ting
Magalang-Pandan Road, na ngayo’y on-going
Na ang planong dito gagawing ‘widening’
Ng Angeles city upang malunasan
Itong ‘heavy traffi c’ na nagpapabagal
Sa daloy pati na nitong araw-araw
Na pagbiahe nitong dito nagdaraan;
Kasama na pati riyan ng kalakalan,
Pasok sa iskwela at mga tanggapan;
(Partikular itong arawan ang suweldo
Sa pinapasukan nila o trabaho,
Na maatraso lang ng ilang minuto
Ay kinakaltasan na ng kanyang amo;
Subali’t sumobra man ang oras nito
Sa pagawa, walang bigay pakunsuelo.)
Kaya ngayong itong nasabing kalsada
Na talaga namang napakasikip na
Para sa lahat ng mga motorista
Ay tinutukan na ating ‘world class’ na
City mayor nitong Angeles, Pampanga
Upang maipagawa yan ay gagaang na
At di lamang itong sa naturang lungsod
Bumabagtas dito araw-araw halos
Ang mabibiyaan kapagka’ natapos,
Kundi pati na ang galing sa ibang pook;
Kasama na riyan ang parte ng Malolos,
At iba pang pamayanan sa dakong North
Na may lakad dito at sila’y magawi
Sa lugar na ito na ma-trapik dati;
Sapagkat kung noon ay napapangiwi
Itong iba kapag naantala uli,
Ang kapalit tiyak matamis na ngiti
Kapag ang kalsadang ya’y ganap ng yari.
Kung saan nang dahil kay Mayor Pamintuan
Ng naturang lungsod nag-materialized yan,
Sa tulong na rin ng departamento riyan
Ng gawaing bayan at ibang opisyal;
Sila’y marapat lang nating palakpakan
Sa pagtugon nila sa daing ng bayan.
At bagaman medyo matindi ang gastos
Na kaakibat ng pag-demolish halos
At pagtapyas pati sa mapapaloob
Sa kailangang sukat na dapat masakop
Ng ‘widening’ nitong Magalang-Pandan Road,
Yan ay pipilitin pa ring mapatapos.
Kahima’t posibleng matagalan bago
Maisakatuparan ang naturang plano,
Dala na rin nitong mabusising piho
Ang mga gagawing legal na proseso;
Kasama na r’yan ang ‘demolition’ mismo
Ng mga bahay na tatamaan dito;
Bunsod na rin nitong ang tatamaan tiyak
Ng ‘road expansion’ ay di kaagad-agad
Papayag basta sa gagawing pagtapyas,
Sa anumang istraktura o propriyedad
Ng mga yan kahit ang naturang siyudad
Ay may prosopuesto na ipambabayad.
Pero ganun pa man ay inaasahan
Ng punong lungsod na masosolusyonan
Ang anumang bagay na magiging hadlang
Sa maka-Diyos at makataong pamaraan;
Pagkat ang intensyon lang naman ni EdPam
Ay pag-asenso ng buong pamayanan!
