Misan a minta ya America i Erap
Ban mamasyal at mag-shopping’ kanu kaibat,
I Jinggoy ala yang penabilin agad
Nung’e ing “Can you by a Jacket for me Dad?
Inya ini namang maganakang Tata
A mapanusig keng buri ring anak na,
Kabukasan murin, ing anggang bilin da,
Seli na ngan iti agyang mgkanu pa.
At nyang ipadala na’na sana iti
Aisip na ing ban makatipid pati,
King dapat bayaran na niting bagahi,
Anti kanini ing gewa nang diskarti.
Tinimbang na’t ikit niting masalese
Nung pilan kilo iti, a piyabe-abe
Nyan king kahon a nu’ karin na ngan kine
Ing ipadala nang miayaliwng bage.
Linto king ing jacket yang peka-mabayat
Keng penabilin ding malugud mang anak,
Inya aisip nang ikabit king sulat,
A keyang inabe king Balikbayan box.
Ketang ing Pamuntuk ning bansa, i Erap
Dakal a myaliwang biru ing milangkap
King lagyu na’t e mu keti Pilipinas
Ing inggil kareting ‘Erap Jokes’ mikalat..
Metung ne kareti itang misan ngara
Mibangun yang ugtu, medyu malata ya;
Inya bista’t e man regular ‘check-up’ na
Karin king ‘Heart Center’ agad da neng dela.
Malagua’t salita… ‘within forty minutes,
King mesabing ‘center’ ikwa rang midantik,
At keta ring doctor, attendants at nurses
Mirarapal, agad-agad da neng penik.
Kalub na king peka- ’examination hall,’
A talaga namang ‘fully air-conditioned,’
Pepaluklukan de, at ngana ning doctor:
“Sir, basan yo’ pa ding mapilan ‘questions’
Bayu ra kayu pu eksaminan ustu,
Bilang SOP keng kekeng pamanulu,
Ing nurse, kuanan ne ining papa-‘fill up’ ku
Kalabas na pu ning mapilan minutu.
Binasa nang Erap itang makasulat
At iti, kuntodo pemintwan nang agad;
Ding sapatus ilang minuna nang likas
At king awang na’la pisakit belabag.
Leko ne’ing sandu na, medyas at pantalun
Saka no’ inatsa reti king ‘comfort room,’
Inya kabalik ning nurse king mesabing ‘hall’
‘Brief’ nya’ing susulud na’t ala ne ping salol.
“Bakit sir?” nganing nurse a e mipayndatun;
Lepitan ne ‘and asks him what is going on?’
“I’m only following the given instructions,
As it says here, answer in brief all the questions!”
