ANG PAGNANAIS at balaking pagtakbo
ni Lapid sa pagka-‘city mayor’ mismo
ng Angeles para ibaba sa puesto
si Mayor Pamintuan, maaga masyado.
Kung kaya maaring nasabi marahil
ng ‘multi-awarded’ at ‘most outstanding
city mayor’ na ang marapat isipin
ni Lapid bago ang taong 2016
Ay ang problema niya sa Senado mismo,
na kung saan sangkot ang pangalan nito
sa NABCOR,( na aywan lang kung sinu-sino
ang iba pang suspect na taong gobyerno).
Para ano upang kanyang madaliin
ang pagpapahayag ng kanyang naisin
na siya’y tatakbo ‘comes year 2016’
gayong mahigit ‘two years’ pa ang bubunuhin
Ni Lito Lapid sa pagiging Senador,
(na kung saan siya ay itinuturong
kasabwat sa isyu r’yan ng pandarambong
sa “National Agri-Business Corporation?”)
Bago isa-isip ang kanyang pagtakbo
bilang ‘city dad’ at mapalitan nito
ang isang Alkalde na nagtatrabaho
at napakalinis ng pangungubyerno.
At sa totoo lang, ayon sa ‘press release’
na ipinalabas ‘from the mayor’s office,’
ang anumang bagay hinggil sa politics
ay ni hindi pa nga niya iniisip;
Pagkat malayo pa para pag-usapan
ang isang bagay na pupuede pa namang
isantabi muna’t isaalang-alang
ang kanyang tungkulin bilang ‘public servant’
Na laang maglingkod para sa kasiyudad
ng taos sa puso at may sinseridad,
di gaya ng ibang ang laman ng utak
sa panunungkulan ay puro pasarap.
Kabilang sa tinututukan sa ngayon
ni EdPam ay mga ‘infrastructure
project’ na ‘on-going’ niya bilang mayor
ay isa itong Plaza Anghel Construction;
At itong kasabay na ‘widening of roads
within the city limits’ mismo ng lungsod,
na di ‘affected’ ang mga Angeleños,
sa serbisyong dapat maipagkaloob
Ng administrasyon ni Mayor Pamintuan
na talaga naman ding maaasahan
at laang maglingkod sa nasasakupan
ng walang kapalit kundi tiwala niyan.
Upang patuloy na mapagsilbihan niya
ang kasiyudad hangga’t gusto pa rin siya,
pero kagaya ng kanyang pinakita
sa nakaraan ay ‘welcome’ daw sa kanya
Ang sino pa mang tunay na Angeleño
na nagnanais na maging mayor dito,
gaya nang malimit na sabihin nito
na ang kahit sino ay puedeng tumakbo
Kung tunay naman ding mga ‘eligible’
ay ‘welcome’ sa kanya dagdag pa ni Mayor;
Aywan lang kung dito sa nag-aambisyong
maging ‘next city dad’ ay posibleng ganun.
Pagkat si Lapid ay ‘no permanent address,’
at sumabak na rin sa ‘mayoralty race’
sa Makati noong siya ay registered
resident doon at ngayo’y sa Angeles
Nakabili itong ‘actor-turned-governor,
senator,’ at ngayon ay pagiging mayor
ng naturang lungsod nina EdPam, Blueboy
at ni Cong Tarzan ang target ni “Ka Leon?!”
