kundi matataas manding opisyales,
ang nasa likuran ng ‘illegal-drug-trades’
at ibang bagay na di kanaisnais
Saan na hahantong sa ating akala
ang ganyan kung di sa pagkapariwara
at sa kawalan ng lubos na tiwala
sa mga opisyal nitong ating bansa.
Maliban sa ito ay di ikarangal
(nating mga Pinoy sa pangkalahatan,
partikular na sa pang-internasyonal
na lipunang ating kinabibilangan).
Kundi kahihiyan at ng matindi ring
insulto lalo na sa gobyerno natin,
ang tayo ay mayrun ng ganitong klaseng
mga opisyal na nakakayang bilhin
At paikutin ng mga ‘big time dealers’
ng shabu, kapalit ng takdang tungkulin
na dapat gampanan ng buong taimtim
para sa bayan at mamamayan natin.
At anong posilbeng kahantungan nito
kundi nang kawalang respeto ng tao
sa ‘men-in-uniform’ at hanay din mismo
ng ahensyang ito ng ating gobyerno?
Yan ba’y di nasilip nitong nakaraang
administrasyon kaya lumubha ng ganyan?
(O sadyang ang lahat ng kanyang kabagang
sa puntong nasabi’y nagbulag-bulagan?)
At binale-wala ang lahat kung kaya
ang ‘illegal-drug-trades’ ay lalong lumalala;
Kung saan posibleng ang ating hinala
ang totoo at di lang puro akala?
Hindi ba sumagi man lang sa isipan
ng mga naturang PNP official,
na walang lihim na di natutuklasan,
kaya sumasaw sa bagay na illegal?
Na maari nga nilang ikapahamak
anumang sandali sa araw ng bukas?
na kagaya ngayong may kumanta’t sukat
laban sa illegal nilang aktibidad?
Sabagay, ano pa nga bang magagawa
ng lahat ng sangkot sa ganyang ‘himala’
kundi mag-umiyak lang ng walang luha,
at magturuan sa palpak na nagawa.
Sana naman itong si Pangulong Digong
ay lalo nang maging matatag sa ngayon
sa adbokasya niya laban sa ganitong
klaseng aktibidad na di ikasulong
Nitong ating bansang pinamumugaran
ng mga ‘corrupt’ at walang kabusugang
Heneral, na gaya ng pinangalanan,
na ng ‘Commander-in-Chief sa Malakanyang.
At upang magsilbing aral sa lahat na
ng nasa gobyerno’t maging kanino pa,
sana ang pinaka-matinding parusa
ang igawad natin laban sa kanila.
At kung maari lang sila ay ibitin
ng patiwarik at sila’y literal ding
sa pamamagitan ng lubid bigtiin
nang di pamarisan ng iba pang ‘pating’
(And said execution should be done in public so that it would serve as a warning to all culprits!)
