(Metung a masikan makasawup king pamagbangun na ning amanu tamu subali karing poesia, ila pin ding basultu. Ding basultu kase kanta lang atmu no kasanting daramdaman neng mibabagayan lang gitara. Deng aliwa awusan dang pulosa ngeni, bistaman ding balu kung pulosa ila pin detang balamu impromtu pangadaklut at nung misan makiabe la pang sapatya. Makanyan man agkatan kula ding abe tamung talasulat king sumulat la naman basultu ban kanita liliwalas ing instrumentung agamit tamu king pamipalabung king amanu tamung sisuan. Oini pu ing basultng pengangasan kung lelangan.)
Kaluguran daka….at yan kabaluan mu
nung inya meragul ka lub pagmatasan mu pati aku
bagyang kabid manamdaman ka pati gamit panyiran mu
ninung buri mung mamulut karing pemalbal mung basu?
Pati siping bale, e mo pikatulan
ala kang asabing mayap, puru ngan kapanyiran
ala kung asabi keka, akung kekang pikakamwan
ninung buri mung mamulut karing pemalbal mung pinggan?
O’bat makanyan ka? Linto kang bugnutin!
atna ka kasakit intindyan palpimwa kang paltabugin,
bagyang kabid maginakit ka, e ra ka agad adinan pansin
kening kekang pemanyira, ninung buri mung maglarin?
Alang ketunan-tunan kabud na ka mamuangit
ninu langan pisusumbungan mu karing kekang paginakit,
yang bage makasakit lub balu mung piatsit-atsit
ninu ing lumapit ngeni karing kekang penasakit?
Balu mung kaluguran daka inya ing gewa mu naman
linto kang mapanabusu uling pane rakang pamatundunan;
ngeni ku pamu ayisip king ing kakung gagawan
ining lugud kung kusintirul e mamungang kayapan.
Inya ibat ngeni, pakatandanan mu
e ra naka kunsintyan pa king kekang pamanabusu;
ibili ku keng ustung lugal ining keka lugud ku
ika na mismung maglarin king nanu mang pinyira mu.
Kaluguran daka….at yan kabaluan mu
nung inya meragul ka lub pagmatasan mu pati aku
bagyang kabid manamdaman ka pati gamit panyiran mu
ninung buri mung mamulut karing pemalbal mung basu?
Pati siping bale, e mo pikatulan
ala kang asabing mayap, puru ngan kapanyiran
ala kung asabi keka, akung kekang pikakamwan
ninung buri mung mamulut karing pemalbal mung pinggan?
O’bat makanyan ka? Linto kang bugnutin!
atna ka kasakit intindyan palpimwa kang paltabugin,
bagyang kabid maginakit ka, e ra ka agad adinan pansin
kening kekang pemanyira, ninung buri mung maglarin?
Alang ketunan-tunan kabud na ka mamuangit
ninu langan pisusumbungan mu karing kekang paginakit,
yang bage makasakit lub balu mung piatsit-atsit
ninu ing lumapit ngeni karing kekang penasakit?
Balu mung kaluguran daka inya ing gewa mu naman
linto kang mapanabusu uling pane rakang pamatundunan;
ngeni ku pamu ayisip king ing kakung gagawan
ining lugud kung kusintirul e mamungang kayapan.
Inya ibat ngeni, pakatandanan mu
e ra naka kunsintyan pa king kekang pamanabusu;
ibili ku keng ustung lugal ining keka lugud ku
ika na mismung maglarin king nanu mang pinyira mu.
