Ilang araw na lang maghahalan na,
Matapos ang sobrang pamumulitika
At nagpakagastos sa pangangampanya
Ang lahat-lahat na sa pagtakbo nila.
At talaga namang gagastos ng husto
Ang nakararami para lang manalo;
Tulad na lang nitong ibang pulitiko
Na namimigay r’yan ng kung anu-ano.
Pagkat ng dahil sa estratehiyang ganyan
Ay posibleng mangibabaw sa kalaban,
Itong ika nga po ay madaling hingan
Ng anuman bago pa man maghalalan.
Kasi bunsod nga ng kung anong pamain
Na nakasanayan ng marami sa ‘tin,
Ya’y utang na loob nang maituturing
Kung kaya’t maaring iboto po natin.
At yan ay tiyakang lagi’t-lagi na lang
Mangyayari’t sukat sa tuwing halalan,
Hangga’t patuloy na kinukunsinti yan
Ng nakararami nating kababayan.
Kung ang kalakaran para lang manalo
Sa kompetisyon ang isang kandidato
Ay dahil lamang sa masalapi ito,
Yan sa ganang amin ay mali siguro.
Pagkat ang resulta nito bandang huli
Ay baka ibayo nga pong pagsisisi,
Ang mararamdaman natin sa sarili
Kapag ya’y naningil na ng dobli-doble.
Kapag nagka-ganun ay tiyakang tayo
O ang buong bayan itong apektado,
Pagkat ano pa mang pinamudmod nito
Ay sa kabang-bayan isisingil piho!
Tulad na lang nitong ibang pulitikong
Naging hanapbuhay na yata ang ganun,
Sila’y lumaspag man ng kung ilang milyon
Ay bale wala lang sa tuwing eleksyon.
Papano nga kasi, pag nahalal sila
Ang kapalit nito ay malaking pera
Mula sa iba’t-ibang katransaksyon nila
Na may iligal na lakad sa kanila.
Kaya’t ano pa bang ating maasahan
Kapag nanalo ang mga taong ganyan,
Kundi malamang na pagpapayaman lang
Ang aatupagin kapag nanungkulan.
Sa puntong ito ay dapat lang marahil
Na ang kalakarang ito ay putulin
Sa pamamagitan ng pagboto natin
Ng naa-ayon sa nararapat sundin.
At di ‘yung kaya lang natin iboboto
Ay dahilan lang sa na-abutan tayo
Ng isang malutong na ‘Ninoy Aquino’
O kaya ng isa na may ‘Tatlong Tao;’
Pero kung talagang kailangan ang pera
Ay puede rin namang tanggapin yan basta,
Pagkat yan ay kusang ‘binibigay’ nila
Sa mga botante para ihalal sila;
Pero bayan, hangga’t maari po sana:
Kunin po natin ang pamigay na pera,
Ngunit ang iboto ay ‘yung kursunada
Na alam po nating matino talaga!
Matapos ang sobrang pamumulitika
At nagpakagastos sa pangangampanya
Ang lahat-lahat na sa pagtakbo nila.
At talaga namang gagastos ng husto
Ang nakararami para lang manalo;
Tulad na lang nitong ibang pulitiko
Na namimigay r’yan ng kung anu-ano.
Pagkat ng dahil sa estratehiyang ganyan
Ay posibleng mangibabaw sa kalaban,
Itong ika nga po ay madaling hingan
Ng anuman bago pa man maghalalan.
Kasi bunsod nga ng kung anong pamain
Na nakasanayan ng marami sa ‘tin,
Ya’y utang na loob nang maituturing
Kung kaya’t maaring iboto po natin.
At yan ay tiyakang lagi’t-lagi na lang
Mangyayari’t sukat sa tuwing halalan,
Hangga’t patuloy na kinukunsinti yan
Ng nakararami nating kababayan.
Kung ang kalakaran para lang manalo
Sa kompetisyon ang isang kandidato
Ay dahil lamang sa masalapi ito,
Yan sa ganang amin ay mali siguro.
Pagkat ang resulta nito bandang huli
Ay baka ibayo nga pong pagsisisi,
Ang mararamdaman natin sa sarili
Kapag ya’y naningil na ng dobli-doble.
Kapag nagka-ganun ay tiyakang tayo
O ang buong bayan itong apektado,
Pagkat ano pa mang pinamudmod nito
Ay sa kabang-bayan isisingil piho!
Tulad na lang nitong ibang pulitikong
Naging hanapbuhay na yata ang ganun,
Sila’y lumaspag man ng kung ilang milyon
Ay bale wala lang sa tuwing eleksyon.
Papano nga kasi, pag nahalal sila
Ang kapalit nito ay malaking pera
Mula sa iba’t-ibang katransaksyon nila
Na may iligal na lakad sa kanila.
Kaya’t ano pa bang ating maasahan
Kapag nanalo ang mga taong ganyan,
Kundi malamang na pagpapayaman lang
Ang aatupagin kapag nanungkulan.
Sa puntong ito ay dapat lang marahil
Na ang kalakarang ito ay putulin
Sa pamamagitan ng pagboto natin
Ng naa-ayon sa nararapat sundin.
At di ‘yung kaya lang natin iboboto
Ay dahilan lang sa na-abutan tayo
Ng isang malutong na ‘Ninoy Aquino’
O kaya ng isa na may ‘Tatlong Tao;’
Pero kung talagang kailangan ang pera
Ay puede rin namang tanggapin yan basta,
Pagkat yan ay kusang ‘binibigay’ nila
Sa mga botante para ihalal sila;
Pero bayan, hangga’t maari po sana:
Kunin po natin ang pamigay na pera,
Ngunit ang iboto ay ‘yung kursunada
Na alam po nating matino talaga!
