Nanan ta’la man pung alben tunggal-tunggal
Dening kekatamung ngeni manungkulan,
Manibat na babo angga kalalaman
Keraklan kareti e mo’ ayasahan!
Karas keng ngara pin serbisyong pambalen
Pablasang nanan ta’ la mang paka-lawen,
Ing pansarili yang mangibabo karen
Inia ing problema lalung daragul ken!
Partikular karing lokal a opisyal
A mas kapad da pa ing papasyal-pasyal,
Kesa king obra a nu’tala inalal
Ya ing arapan da at e’ing pane lulual.
Ing tutu, keng biling parati lang ‘absent’,
Ding keraklan karing atyu keng ‘government’,
Ding memalen o ring karelang ‘constituents’
A’yanti itamu ding ken ‘disappointed’!
Makanano potang oras a kailangan
Ding kabalen deti ita’ning kasaupan
A sukat dang ibie e ro darasan man
Karing opisina ra ken ding keraklan.
Antimo ing isyung kekatang sinulat
Nakadua na inggil king taung maniawad
Kasaupan para king megrabe nang anak
Ban king ospital sa’ adala neng agad.
Kasu, uli na pin nitang malagad pa
Keng kildap kaleldo ing panlub da keta
Ding menasa karen karing tanggapan da
Ala keng disan ken metung man karela;
Subali mu pin king Gobernador rugu
A keta migkalub agiang magkanu mu;
Puera pa king iti kang Luchie re tiru
Ban king PCSO indorsu ne pamu..
Mupin, king bili na ning paniad nang saup
Ning kalulung indu a’yalang agauk,
Nung anti pu kanian kabagal a kimut
Ing prosesu, lalto la pung makalunus;
Ding anti kareting alang pilisunan
Nune ing ngara pin financial assistance,
Ning gobyernu, dapot uling ala no’mang
Priming pondu para king bage anti yan,
Angga mu king deti mipapanuru la
Nung ninu ing sukat lapitan talaga;
Pauli na ning den ala lang programa
A makarikil king bage antimo ita?
Pero nung ding atyu ken king Kapitolyo
Miusig la sang’ mayap keng pamangubyernu,
Alang sangkan banting ing siglawe tamu
E mirinan pansin agiang makananu;
A nung nu’ posibleng mayan dang agawa
Ing mag-‘allocate’ la agiang ditak mu sa’
Para karing public hospital ken, Kaka
Ba’lang ating puntan detang alang-ala!
Kesa naman ketang makalele la ken
Ding abling BALAS at ibat keng STL,
O ba’t e ta’la pa karing ospital den
Ibie maging pondu ban magamit la ren?
Asisiguru yung nung e la matagin
Ding mesabing perang pekasinup yu pin,
E la malaso ren o kaya mabating
Potang ding mamalit mataram lang gunting?
Dening kekatamung ngeni manungkulan,
Manibat na babo angga kalalaman
Keraklan kareti e mo’ ayasahan!
Karas keng ngara pin serbisyong pambalen
Pablasang nanan ta’ la mang paka-lawen,
Ing pansarili yang mangibabo karen
Inia ing problema lalung daragul ken!
Partikular karing lokal a opisyal
A mas kapad da pa ing papasyal-pasyal,
Kesa king obra a nu’tala inalal
Ya ing arapan da at e’ing pane lulual.
Ing tutu, keng biling parati lang ‘absent’,
Ding keraklan karing atyu keng ‘government’,
Ding memalen o ring karelang ‘constituents’
A’yanti itamu ding ken ‘disappointed’!
Makanano potang oras a kailangan
Ding kabalen deti ita’ning kasaupan
A sukat dang ibie e ro darasan man
Karing opisina ra ken ding keraklan.
Antimo ing isyung kekatang sinulat
Nakadua na inggil king taung maniawad
Kasaupan para king megrabe nang anak
Ban king ospital sa’ adala neng agad.
Kasu, uli na pin nitang malagad pa
Keng kildap kaleldo ing panlub da keta
Ding menasa karen karing tanggapan da
Ala keng disan ken metung man karela;
Subali mu pin king Gobernador rugu
A keta migkalub agiang magkanu mu;
Puera pa king iti kang Luchie re tiru
Ban king PCSO indorsu ne pamu..
Mupin, king bili na ning paniad nang saup
Ning kalulung indu a’yalang agauk,
Nung anti pu kanian kabagal a kimut
Ing prosesu, lalto la pung makalunus;
Ding anti kareting alang pilisunan
Nune ing ngara pin financial assistance,
Ning gobyernu, dapot uling ala no’mang
Priming pondu para king bage anti yan,
Angga mu king deti mipapanuru la
Nung ninu ing sukat lapitan talaga;
Pauli na ning den ala lang programa
A makarikil king bage antimo ita?
Pero nung ding atyu ken king Kapitolyo
Miusig la sang’ mayap keng pamangubyernu,
Alang sangkan banting ing siglawe tamu
E mirinan pansin agiang makananu;
A nung nu’ posibleng mayan dang agawa
Ing mag-‘allocate’ la agiang ditak mu sa’
Para karing public hospital ken, Kaka
Ba’lang ating puntan detang alang-ala!
Kesa naman ketang makalele la ken
Ding abling BALAS at ibat keng STL,
O ba’t e ta’la pa karing ospital den
Ibie maging pondu ban magamit la ren?
Asisiguru yung nung e la matagin
Ding mesabing perang pekasinup yu pin,
E la malaso ren o kaya mabating
Potang ding mamalit mataram lang gunting?
