Kanitang atin kung dakal a kabiayan
At kabilang karing asias ning lipunan,
Kanita… dakal la, kalulu’t atinan
A kapanalig ku at kakaluguran.
Ikit ku, nu’ ku man mipapuntang lugal
Misusumangid ing anyaya ring dakal;
At agiang nanu mung katatagan sosyal
Madalas, aku ing bisitang pandangal.
Ing peka-maniaman yang keta menasa
Yapag da kanaku king karelang anda,
Uli ning anti rang binang katutula
Ing aku pang takman bayu ring aliwa;
At keta nanu mu ing tatag dang saya
Kusuelu ra na ing yabe ra kung kusa;
Pablasang karela e ganap ing tula
Nung king okasyun da akung bukud ala.
Kilub ning aldo-aldo a gewa ning Ginu
Miayaliwa no’ring maging bisita ku,
At pelalung e ku kakilalang tau
Sasabian da, ila “suporters” ko kanu
Misan, pati e ku male man nung ninu,
Magpakilala lang kamag-anak da ku
Uli na mekad ning balita, ing aku
Malagua kung lelen bilang pulitiku.
Pasbul ning bale ku biklat keng manawa
Karing kenu pa man a kaku magsaria;
Malaya lang lungub angga king kusina,
King nanu mang oras mangan ya ing bisa;
Alang e midinan o kaku mekakua
King inawad deti lalam kung upaya;
At maging ding e ku sadiang kapamingua
Pekiabayan ku lang anti ring aliwa.
Kanita ing balang katayang sabian ku
Pakirandaman dang anting igkas Ginu;
Malati’t maragul, kanaku mamintu,
Alang e metupad king balang sabian ku;
Nu’ ku man malikid siping ku atilu
Ding kakung alale a magtanud kaku,
Kamag-anak ampon kakaluguran ku
E ku no’ abilang karing taliri ku.
Dapot uling e ku gewa ing memulsa
Kabang makasoso ku keng pulitika,
Miras ing panaun megisan ku pera
E na ku sinambut manibat kanita;
Ding sadia kung lider memagbaligtad la
At mekiabe karing makapal a bulsa,
Nung inia pelalung botante kung sadia
Ikua rang atake king bayung manuk da.
At pablasang ing bie mengari mung dugang,
Ngana nang mibabo, ngana nang milalam;
Kanita… atinan, ngeni rugu oyan –
Ing anggang tipun ku melaso, mesintang.
Ing lalung makirut a kanakung dimdam,
Mebating kung bandi pati kaluguran;
Ngening lupad na ku’t ala nang sikanan,
Ing ASU ku, ya’nang bandi kung mitagan!
(Kamag-anak ku e ra na ku pintalan,
Uli ning balu rang ala kung ipakan.)
At kabilang karing asias ning lipunan,
Kanita… dakal la, kalulu’t atinan
A kapanalig ku at kakaluguran.
Ikit ku, nu’ ku man mipapuntang lugal
Misusumangid ing anyaya ring dakal;
At agiang nanu mung katatagan sosyal
Madalas, aku ing bisitang pandangal.
Ing peka-maniaman yang keta menasa
Yapag da kanaku king karelang anda,
Uli ning anti rang binang katutula
Ing aku pang takman bayu ring aliwa;
At keta nanu mu ing tatag dang saya
Kusuelu ra na ing yabe ra kung kusa;
Pablasang karela e ganap ing tula
Nung king okasyun da akung bukud ala.
Kilub ning aldo-aldo a gewa ning Ginu
Miayaliwa no’ring maging bisita ku,
At pelalung e ku kakilalang tau
Sasabian da, ila “suporters” ko kanu
Misan, pati e ku male man nung ninu,
Magpakilala lang kamag-anak da ku
Uli na mekad ning balita, ing aku
Malagua kung lelen bilang pulitiku.
Pasbul ning bale ku biklat keng manawa
Karing kenu pa man a kaku magsaria;
Malaya lang lungub angga king kusina,
King nanu mang oras mangan ya ing bisa;
Alang e midinan o kaku mekakua
King inawad deti lalam kung upaya;
At maging ding e ku sadiang kapamingua
Pekiabayan ku lang anti ring aliwa.
Kanita ing balang katayang sabian ku
Pakirandaman dang anting igkas Ginu;
Malati’t maragul, kanaku mamintu,
Alang e metupad king balang sabian ku;
Nu’ ku man malikid siping ku atilu
Ding kakung alale a magtanud kaku,
Kamag-anak ampon kakaluguran ku
E ku no’ abilang karing taliri ku.
Dapot uling e ku gewa ing memulsa
Kabang makasoso ku keng pulitika,
Miras ing panaun megisan ku pera
E na ku sinambut manibat kanita;
Ding sadia kung lider memagbaligtad la
At mekiabe karing makapal a bulsa,
Nung inia pelalung botante kung sadia
Ikua rang atake king bayung manuk da.
At pablasang ing bie mengari mung dugang,
Ngana nang mibabo, ngana nang milalam;
Kanita… atinan, ngeni rugu oyan –
Ing anggang tipun ku melaso, mesintang.
Ing lalung makirut a kanakung dimdam,
Mebating kung bandi pati kaluguran;
Ngening lupad na ku’t ala nang sikanan,
Ing ASU ku, ya’nang bandi kung mitagan!
(Kamag-anak ku e ra na ku pintalan,
Uli ning balu rang ala kung ipakan.)
