Kaibat, y Aguinaldo karin ne bintiwas
King Kawit, Cavite ing mal tang’ Watawat;
Tanda king iti yang aldo nang panaslag
Ning Katimawan king balayan tang’ maslag;
Hilario, Maniago, Makabulos’ Tarlac,
Hizon at Dayrit ning beitan tang’ labuad,
Upayang Kastila ikua rang asaldak!
Lubus ta’na sanang kumit Katimawan
King tagumpe tamu laban karing daywan,
Dapot ating Dewey a biglang dinatang
Sasyo tang Kalayan, yang keta sinamsam!
Sekupan ne’ing balen uli ning sikanan
Ning Agilang ibat king dane Albugan;
At keta ing Bansa miuman deng telanan
Ding e ta’ kalahing maputi mu naman.
Tutu inampang da itang Demokrasya
Dapot ila mu ring kekata dirikta;
At waman king Balen linto no’ kanita
Ding anti ri Osias, Quezon at Osmeña,
Roxas, Abad Santos ampon aliwa pa;
A sukat talan king sarili rang renda,
King pamipalakad king balen tang’ sinta,
Atyu kagulutan ing Tusong Agila!
Kaibat, uling atin lang apikasundu
King ing sadiang Laya ibie ra nang tutu,
Pauli nang Quezon… ding mesabing Kanu
Tiparan da ren ing karelang pangaku;
Nung ing mag-sarili lubus ta’nang agyu,
Dinan da neng Laya ing balen tang Indu;
Dapot itang aldo iniang sunlag niamu,
Ing pang-Aduang Gyera biglang mikaluku!
Karing pampang tamu bigla na’ lang linsut
Ding lalu pang lasip ampon makatakut;
At nung ding Kastila a keti sinakup,
Kanita la linto lang ganid ampon marus,
Deting tauling dintang a keti linusub,
Puri’t dangalan mu dekurak dang lubus;
Pilan lang anak mu ding keta metampus
Ban ipaglualu ria ing balen tang irug?
Salamat, kaibat ning atlung banuang singkad
Ing puersa ding Sakang ikua rang asaldak,
Ding msanib-sanib a puersang milangkap
Ning Agilang meko…at ding kekang anak;
Ing keyang pangakung magbalik at sukat,
Ya ing mepalyari king bansa migligtas;
Itang Yamashita a keti miglagpak
Mig-”Hara-Kiri” ya king keyang panatras!
Kalagpas ning gulu at miatahimik na,
Inampang neng miuman bansang Amerika,
Ing ganap at lubus a kalayan keka,
Kapamilatan ning beba ne ing Keya
At ing Kekatamu yanang pepaitas da,
Layun memayagpag king asul a banua;
Tan da king ing Bansang Perla ning Malasya,
Kalag ne gapus king panga-alipan na!
At ngening Malaya neng ganap ing Bansa
Itamung anak na mikalugud ta’ sa;
Misanmetung tamu king pusu at diwa
King nanu mang bage keyang kasaplala;
At keta, sakali’t atin pa aliwa
King aldo ning bukas miuman pang magnasa,
Pasibayu, itang miagum ban mamingua,
King kekatang Balen at Mal tang’ Bandila!
King Kawit, Cavite ing mal tang’ Watawat;
Tanda king iti yang aldo nang panaslag
Ning Katimawan king balayan tang’ maslag;
Hilario, Maniago, Makabulos’ Tarlac,
Hizon at Dayrit ning beitan tang’ labuad,
Upayang Kastila ikua rang asaldak!
Lubus ta’na sanang kumit Katimawan
King tagumpe tamu laban karing daywan,
Dapot ating Dewey a biglang dinatang
Sasyo tang Kalayan, yang keta sinamsam!
Sekupan ne’ing balen uli ning sikanan
Ning Agilang ibat king dane Albugan;
At keta ing Bansa miuman deng telanan
Ding e ta’ kalahing maputi mu naman.
Tutu inampang da itang Demokrasya
Dapot ila mu ring kekata dirikta;
At waman king Balen linto no’ kanita
Ding anti ri Osias, Quezon at Osmeña,
Roxas, Abad Santos ampon aliwa pa;
A sukat talan king sarili rang renda,
King pamipalakad king balen tang’ sinta,
Atyu kagulutan ing Tusong Agila!
Kaibat, uling atin lang apikasundu
King ing sadiang Laya ibie ra nang tutu,
Pauli nang Quezon… ding mesabing Kanu
Tiparan da ren ing karelang pangaku;
Nung ing mag-sarili lubus ta’nang agyu,
Dinan da neng Laya ing balen tang Indu;
Dapot itang aldo iniang sunlag niamu,
Ing pang-Aduang Gyera biglang mikaluku!
Karing pampang tamu bigla na’ lang linsut
Ding lalu pang lasip ampon makatakut;
At nung ding Kastila a keti sinakup,
Kanita la linto lang ganid ampon marus,
Deting tauling dintang a keti linusub,
Puri’t dangalan mu dekurak dang lubus;
Pilan lang anak mu ding keta metampus
Ban ipaglualu ria ing balen tang irug?
Salamat, kaibat ning atlung banuang singkad
Ing puersa ding Sakang ikua rang asaldak,
Ding msanib-sanib a puersang milangkap
Ning Agilang meko…at ding kekang anak;
Ing keyang pangakung magbalik at sukat,
Ya ing mepalyari king bansa migligtas;
Itang Yamashita a keti miglagpak
Mig-”Hara-Kiri” ya king keyang panatras!
Kalagpas ning gulu at miatahimik na,
Inampang neng miuman bansang Amerika,
Ing ganap at lubus a kalayan keka,
Kapamilatan ning beba ne ing Keya
At ing Kekatamu yanang pepaitas da,
Layun memayagpag king asul a banua;
Tan da king ing Bansang Perla ning Malasya,
Kalag ne gapus king panga-alipan na!
At ngening Malaya neng ganap ing Bansa
Itamung anak na mikalugud ta’ sa;
Misanmetung tamu king pusu at diwa
King nanu mang bage keyang kasaplala;
At keta, sakali’t atin pa aliwa
King aldo ning bukas miuman pang magnasa,
Pasibayu, itang miagum ban mamingua,
King kekatang Balen at Mal tang’ Bandila!
