Puring-puri ni Judy Ann Santos si KC Concepcion sa kanayng kontrabida role sa bagong serye nila together.
“It’s about time na gumawa siya ng ganitong klase ng role. Swak na swak sa kanya and with this role, masasabi kong aktres talaga siya rito,” diin ni Juday.
“Kontrabida siya na maiintindihan mo kung bakit. Hindi ’yung kontrabida na basta na lang nagpapapatay ng tao. Basta na lang nagtataray. May pinanggalingan siya. ’Yun naman po ’yung hinimay namin. Kasi with KC’s features, hindi naman talaga siya mataray, eh. Kailangang kaawaan mo rin siya,” katwiran ni Judy Ann.
Malaking tulong ang friendship nila ni Sharon Cuneta upang maging epektibo sa pagganap si KC.
“Malaking tulong ’yon dahil nakakapag-open-up siya sa akin. ’Pag may tanong siya sa scene, at saka, alam naman niya na kami rito, nakabantay sa kanya… Nakaagapay kami sa kanya.
“Kasi hesitant siya na tanggapin ang role. Kasi nga kontrabida. In-assure lang namin siya na itong klase ng role na ito ang magpapakita ng may ibang side si KC Concepcion na puwedeng ipakita. Napagwagian naman namin ’yon.
“Very proud akong sabihin na matutuwa kayo sa trabahong ginawa ni KC rito,” pagmamalaki ni Juday sa anak ng kaibigan.
