Ni Cris Garbo kay Mabalacat city Dad,
(Marino Morales) na ya’y di na dapat
Humabol pang muli, umani ng pintas
Sa sarili mismo niyang pagkatao
Pagkat para na rin pag-amin ni Garbo,
Na di niya kayang ibaba sa puesto
Si Boking, kapagaka pamuling tumakbo?
Posible ring dahil magkabagang sila
Kung kaya pabirong kay Mayor nagbadya
Si BM Garbo ng “sana’y makonsesya”
Ang isa’t kung puede raw ay siya muna?
O ipaubaya na ni Mayor Boking
Kay BM Garbo ang eleksyong darating,
Kahit si Morales ay ‘qualified’ pa ring
Tumakbo ‘for Mayor comes year 2016?’
Hangga’t si Morales walang nilalabag
Na ruling o ano mang saligang batas,
Siya’y di natin basta mapigil at sukat
Ng dahil lamang sa pangsariling hangad
Na mapalitan si Boking sa puesto niya
O pigilin siyang huwag nang humabol pa;
Lalo’t deserving at mahusay talaga
Sa panunungkulan ang isang tulad niya.
Sa puntong mahigit nang sisenta umano
Si Mayor Morales ayon kay Cris Garbo
Para humabol pa – yan sa palagay ko
Ay di rason para pigilin siguro
Ang kahit sinuman lalo’t wala ruling,
Batas o ano pa mang alintuntunin,
Na may ‘age limit’ sa ganyan, di maaring
Pigilin sa pagtakbo si Mayor Boking!
Ang katuwirang kahit na may legal basis
For another term si city Dad Morales,
He should not do so ‘as a matter of conscience,’
Posibleng si Garbo wala sa matuwid.
Pero kung talagang ang balak pagtakbo
Ni BM ay tunay nga pong suportado
Nina ‘Nanay Baby’ at ‘Tatay’ Rodolfo,
Ano pa ang dapat ipangamba nito?
Laban kay Morales o kahit sinuman,
Pagkat pader itong kanyang sasandalan?
Maliban na lang sa ang kanyang kabayan
Ang ayaw kay Garbo kaya magdaraan
Sa butas ika nga ng karayom si Cris
Bago maipanalo kay Mayor Morales
Ang laban sakali’t ang huli ay mag-seek
Ng reelection at gusto pang umulit.
Sa puntong ito ang ating masasabi
At maipapayo kay Garbo’t Halili
Ay wala ng higit mas makabubuti
Kundi ang ika nga ay tumatabi-tabi
Muna sa isang sulok o tumakbo bilang
Vice Mayor, Board Member o kaya Konsehal,
At hintayin nilang bumabang tuluyan
Si Morales bilang city Dad ng lugar.
Saka na lang nila targetin kumbaga
Ang ‘seat of office’ ni Boking, kung tapos na
Itong dalawa pang ‘term’ na natitira;
Ang 2016 at 2019 pa?!
