(Kaugne ning pamagmasusi king pang-149 Aldo nang Beitan Dr. Jose P. Rizal, a merapat king Heroes Hall ning Siyudad San Fernando, keng pamanimuna ning mapuri, bantug, maganaka at metenakan a “World Class City Mayor,” Hon. Oscar S. Rodriguez; at nu’ ing mesabing okasyun tegunan da ring mialiwang sektor ning lipunan, at metung ya ing maluka yung talasuyu karing mitulduan mamarangal, ipaintulut yung ing poesia nang Rizal a mipamansagan “A La Juventud Filipina,” a kepampanganan na’t ginale para king mesaglawe selebrasyun ya pamung ipalual na.
Iti metung ya karing kawatasan a sinulat nang Dr. Rizal inyang kabayangnan na’t salukuyan pang magaral king Unibersidad ning Sto. Tomas, at nung nu’ king merapat a ligligan pamanyulat poesia kanita, a tinatag ning Liceo Artistico Literario, aguman a kabibilugan ding panatiku keng arte’t panitikan, iting poesia a misulat king salitang Kastila ing migkamit mumunang galal. Kastila la’t katutubu ding pesilauk king merapat a ligligan dapot ing lupun ding tala-atul a kabibilangan ding Kastila kesantingan lang bina king poesia nang Rizal inyasa’t keya re apisanmetung binye ing primera premyu.
King kayaduanan nang Ms. Ching Pangilinan, ning City Tourism Office, linikas ne king Amanung Sisuan ning malugud yung talasulat bilang dake ning kulturang Kapampangan.).
Neng Dr. Jose P. Rizal
Yatna me’ing kanwan mung malinis at maslag
Suging kayanakan king kekang panlakad;
King pigkalam ning Dios a magsolung aslag
Ing kekang ipakit, Pagasa ning Bukas.
Kuldasan mu na la, O gintung kabiasnan
Ding kekaming pusu a manayang tipan;
Mapus ka king angin ban ing kaisipan
Kekang asulagpo karin king katasan.
Idala ing anggang masampat tangalan
A maslag nang yata ning arte at beluan
Kimut ka’t patluran mu ne kayanakan
Ing gapus ning kekang diwa at panamdam.
Umasdan ing putung makasilo bina,
Busal na ning dulum ampang a dakila
Ing putung a iti iyampang neng kusa
King Indung Balen a mibalut palyasa.
O, ika a maki pakpak ning tagimpan
At andang sulagpo king banuang katasan
Ban keta ing yumu ning sunis akamtan
Karin king Olimpo, katmu keng pibandian.
Ika, a ing bosis bina king kasampat
Dalit nang Filomel king lungkut panaplak;
Panulung masampat, king dusa’t pagsalbat
Ning alipan kirut a kaladuang paldas.
Ika, a ing diwa dirinan neng kule
King marmol a batung sidsad keng katibe,
At ing panalalang wagas at dalise
Keka maging alang kapupusan a bie.
At ika, o Diwang kang Apelles mal
King salitang maslag nitang Febo siywan,
O king kaputut a lonang pitabasan
Miglipat kule at leguan ning katasan.
Ume na ka keni at palablaban mu
Ing api ning kekang isip at talentu
Ing malagung lagyu isalbag king yatu
At ipamansag ing kapuryan ning tau.
O dakilang aldo ning tula’t sagakgak
Magpakasaya ka, sintang Pilipinas!
Puryan ing balayan a keka liningap,
At tinaid keka a malagung palad!
Iti metung ya karing kawatasan a sinulat nang Dr. Rizal inyang kabayangnan na’t salukuyan pang magaral king Unibersidad ning Sto. Tomas, at nung nu’ king merapat a ligligan pamanyulat poesia kanita, a tinatag ning Liceo Artistico Literario, aguman a kabibilugan ding panatiku keng arte’t panitikan, iting poesia a misulat king salitang Kastila ing migkamit mumunang galal. Kastila la’t katutubu ding pesilauk king merapat a ligligan dapot ing lupun ding tala-atul a kabibilangan ding Kastila kesantingan lang bina king poesia nang Rizal inyasa’t keya re apisanmetung binye ing primera premyu.
King kayaduanan nang Ms. Ching Pangilinan, ning City Tourism Office, linikas ne king Amanung Sisuan ning malugud yung talasulat bilang dake ning kulturang Kapampangan.).
Neng Dr. Jose P. Rizal
Yatna me’ing kanwan mung malinis at maslag
Suging kayanakan king kekang panlakad;
King pigkalam ning Dios a magsolung aslag
Ing kekang ipakit, Pagasa ning Bukas.
Kuldasan mu na la, O gintung kabiasnan
Ding kekaming pusu a manayang tipan;
Mapus ka king angin ban ing kaisipan
Kekang asulagpo karin king katasan.
Idala ing anggang masampat tangalan
A maslag nang yata ning arte at beluan
Kimut ka’t patluran mu ne kayanakan
Ing gapus ning kekang diwa at panamdam.
Umasdan ing putung makasilo bina,
Busal na ning dulum ampang a dakila
Ing putung a iti iyampang neng kusa
King Indung Balen a mibalut palyasa.
O, ika a maki pakpak ning tagimpan
At andang sulagpo king banuang katasan
Ban keta ing yumu ning sunis akamtan
Karin king Olimpo, katmu keng pibandian.
Ika, a ing bosis bina king kasampat
Dalit nang Filomel king lungkut panaplak;
Panulung masampat, king dusa’t pagsalbat
Ning alipan kirut a kaladuang paldas.
Ika, a ing diwa dirinan neng kule
King marmol a batung sidsad keng katibe,
At ing panalalang wagas at dalise
Keka maging alang kapupusan a bie.
At ika, o Diwang kang Apelles mal
King salitang maslag nitang Febo siywan,
O king kaputut a lonang pitabasan
Miglipat kule at leguan ning katasan.
Ume na ka keni at palablaban mu
Ing api ning kekang isip at talentu
Ing malagung lagyu isalbag king yatu
At ipamansag ing kapuryan ning tau.
O dakilang aldo ning tula’t sagakgak
Magpakasaya ka, sintang Pilipinas!
Puryan ing balayan a keka liningap,
At tinaid keka a malagung palad!
