Pabanua pa bayu miras ing alalan
Oren, anti la mong e katataganan
Keng apag nung wari sana keng pamangan,
Ding sobra karanun lalapit keng dulang;
Partikular no’ ken ding bisang lumiwas
Lukluk o talan king puestung peka-matas,
A nu’ e pa man pin dakal nong’ gagagad
Agiang Nobyembre pa ing pamag-‘file’ dapat;
Karing certificate of candidacy ra
Ding ninu mang bisang mamalit kang Gloria;
Inia naman imbes makapagsilbi la,
Masasayang mu ing panahun karela.
Keng e ra panlub king karelang tanggapan,
Pasari na pin ning liyus keng pagobran
Ding keraklan karen ing sukat sikasuan,
Iti ing bata’ ra na mung atupagan.
Mialiwa la gimmick ding presidentialbes
A patalastas da karing telebisyon;
Inia e pa man pin gagastus nong’ millions
Ding mapilan karen e pa man eleksyon!
Inia nanung sukat asahan kareti
Kabud alimbawa ing mig-presidente
Metung ya pin karen a milalu tindi
Keng pamangastus na matulid a sabi?
Eku buring sabian pihung manako ya
King ba’yang mibawi karing ginastus na;
Pero ayasahan tamu kaya keya,
Ing matapat niting serbisyu king masa?
At e re kabas ding aliwang pamuntuk
A nu’ kulang na ing e re ngan inakut
O nipnap a laman ing kaban a sinup
Ning Indung Balayan keng pamangurakut!
Maging keng lokal a pisasabian balen,
E pa man, e tano’ maybug abilang ken
Ding keng governorship, kabilang ne karen
Ing kagalang-galang a vice governor Yeng;
At tabalu mu nung ing Representante
Ning kaduang distritu malaus ya iti;
Uling ating tsismis king ini nang Mikey
King 1st District yata kanu tagal ngeni.
At ing Presidente Gloria Macapagal
Ing makipamalak naman kanung tagal
Bilang kapalit nang Mikey king Kadua nang
Distritu ning lalawigan Kapampangan?
At tabalu mu pin nung kumpirmadu na
King y Oca yanang sumabak talaga
Keng gubernatorial race keti Pampanga
Comes year 2010 (at i-sacrifice na;)
Ing keyang metung pang term a makatagan
Ban mag-‘reelect’ yang pasibayu bilang
Mayor San Fernando at mikumpletu ngan
Ing anggang proyektung balak na pang aryan.
Nanu’t-nanu pa man ing planu nang Oca
Ya e na ugali ing marapal bina;
Uling matulid na bayu pu ing sabla
Pamagsilbing tapat ing arapan kusa!
Oren, anti la mong e katataganan
Keng apag nung wari sana keng pamangan,
Ding sobra karanun lalapit keng dulang;
Partikular no’ ken ding bisang lumiwas
Lukluk o talan king puestung peka-matas,
A nu’ e pa man pin dakal nong’ gagagad
Agiang Nobyembre pa ing pamag-‘file’ dapat;
Karing certificate of candidacy ra
Ding ninu mang bisang mamalit kang Gloria;
Inia naman imbes makapagsilbi la,
Masasayang mu ing panahun karela.
Keng e ra panlub king karelang tanggapan,
Pasari na pin ning liyus keng pagobran
Ding keraklan karen ing sukat sikasuan,
Iti ing bata’ ra na mung atupagan.
Mialiwa la gimmick ding presidentialbes
A patalastas da karing telebisyon;
Inia e pa man pin gagastus nong’ millions
Ding mapilan karen e pa man eleksyon!
Inia nanung sukat asahan kareti
Kabud alimbawa ing mig-presidente
Metung ya pin karen a milalu tindi
Keng pamangastus na matulid a sabi?
Eku buring sabian pihung manako ya
King ba’yang mibawi karing ginastus na;
Pero ayasahan tamu kaya keya,
Ing matapat niting serbisyu king masa?
At e re kabas ding aliwang pamuntuk
A nu’ kulang na ing e re ngan inakut
O nipnap a laman ing kaban a sinup
Ning Indung Balayan keng pamangurakut!
Maging keng lokal a pisasabian balen,
E pa man, e tano’ maybug abilang ken
Ding keng governorship, kabilang ne karen
Ing kagalang-galang a vice governor Yeng;
At tabalu mu nung ing Representante
Ning kaduang distritu malaus ya iti;
Uling ating tsismis king ini nang Mikey
King 1st District yata kanu tagal ngeni.
At ing Presidente Gloria Macapagal
Ing makipamalak naman kanung tagal
Bilang kapalit nang Mikey king Kadua nang
Distritu ning lalawigan Kapampangan?
At tabalu mu pin nung kumpirmadu na
King y Oca yanang sumabak talaga
Keng gubernatorial race keti Pampanga
Comes year 2010 (at i-sacrifice na;)
Ing keyang metung pang term a makatagan
Ban mag-‘reelect’ yang pasibayu bilang
Mayor San Fernando at mikumpletu ngan
Ing anggang proyektung balak na pang aryan.
Nanu’t-nanu pa man ing planu nang Oca
Ya e na ugali ing marapal bina;
Uling matulid na bayu pu ing sabla
Pamagsilbing tapat ing arapan kusa!
