SAMAL, Bataan — Dahil ipinagbabawal ang mga pagtitipon sa panahong umiiral ang enhanced community quarantine, Isang part-time party host angpinawi ang pagkainip at waring rumampa sa kanilang bahay sa bayang ito suot ang iba-ibang face mask.
Gumawa si Ritzboy Moraga, 27, birthday sa Sabado, ng Barangay Calaguiman East, ng 12 masks at isa-isa niya itong isinuot, kinunan ng video, at in-upload sa social media.
Pinangalanan niya ang kanyang mga “creation” na peacock–design mask, capiz mask, white feather mask, blue and red ribbon mask, flower hat and beaded diamond mask, heart made of buttons with light mask, big black ribbon mask, hand of Christ–inspired mask, succulent spring–inspired mask, beaded diamonds mask, banca with roof-inspired mask, at bride–inspired mask.
Ayon kay Moraga, tipikal na mask ang gamit niya na nilalagyan niya ng iba-ibang design gawa sa feathers, flowers, at mga bato.
Sa tanong kung bakit niya naisipang gawin ang mga ito, sinabi ni Moraga na “Unang-una dahil sa inip dulot ng quarantine, para makapagbigay-aliw na din sa mga netizens at ma-engganyo ang lahat na magsuot ng mask na importante ngayon.”
“Sana naaaliw ang mga tao sa aking outrageous masks,” dagdag pa nito.
