Karaniwan na at naging kalakaran
Na yata sa alin pa mang paaralan
Itong ang pupuede na makapag-aral
Ng libre ay tanging matatalino lang
O mga ‘scholar’ nating tinatawag
Na ang mga ‘grades’ ay akma sa marapat
Na kualipikasyon at kailangang antas
Para makakuha ng ‘scholarship grant’
Gaya halimbawa pagtuntong ng college
Sa alin mang ‘state run or any private
institutions’, na kung saan dapat ang ‘grades’
Ay 1.5 man lang ng isang ‘student’
Bago ma-‘admit’ yan at makapag-aral
Saan mang kolehiyo sa ‘ting kapuluan,
Pagkat sadyang para sa ‘scholar’ lamang
Yata laan itong bagay na naturan.
Na di kagaya ng kay Mayor Rivera,
Ng ngayon ay ‘booming’ na bayan ng Guagua,
Kung saan ang kanya’y bukas sa lahat na
Nitong nagnanais makapag-aral pa;
(Kabilang na r’yan ang mga ilang ulit
Na di pumasa o nagpabalik-balik
Sa grade I, at bago nagtapos ng grade VI
Ay bumagsak pati ng kung ilang beses?)
Nguni’t may hangarin na makapagtapos
Ng kolehiyo kahit sa painut-inot,
Ba’t di magtitiyaga dumoble man halos,
Kung libre at wala ng iba pang gastos?
Maliban lamang sa pamasahe’t baon,
Masungkit lang nila ang tanging ambisyon
Na maging Titser o kaya Manananggol,
Kaysa bandang huli bagsak ay Kargador!
Kaya kakaiba ang kay Mayor Rivera
Kumpara sa lahat na yata di po ba?
Pagkat itong balak n’yang buksang iskwela
Ay lubhang malayo sa takbo ng iba
Na ang pupuede lang na makapag-aral
Ng libre ay itong mga ‘scholar’ lang,
Kaya’t ang bobo ay wala ng pag-asang
Makatuntong yan sa baitang man lamang.
Partikular na ang mga kapos-palad,
Na kahit gaano man ang paghahangad
Na makahulagpos sa matinding hirap
Sa pamamagitan ng ibayong sikap
Na makapag-aral, di makapagtapos
Dahilan na rin sa anhin mang kumayod
Ng mga yan, sila ay walang madukot
Para sa pangarap na gustong maabot!
Pero sa isang tulad ng kay Ric Rivera,
Na balintuna man sa tingin ng iba
Ang kanya – ya’y lubha namang mahalaga
Para sa mahirap na ‘constituents’ niya
Pagkat mabibigyan ng pagkakataon
Na makapagtapos ng di lang ‘high school’
Kundi ng ‘college’ din pati na rin itong
Mga mag-aaral na kapos sa dunong.
Kaya marapat lang sa puntong naturan,
Si Mayor Rivera ay pasalamatan;
At ipagbunyi sa kanyang pambihirang
Hangarin para sa kanyang kababayan.
Na ang lahat nitong mga naghahangad
Makapag-aral ay makatapos lahat
Sa kolehiyong kanyang sadyang itinatag
Para sa kabalen sa araw ng bukas
Partikular na sa mga anak-pawis
Na tulad ng iba sila’y nagnanais
Di namang malagyan ng dagdag na titik
Ang pangalan matapos ang pagsusulit;
At mapabilang sa mga propesyonal
Ng Guagua, Pampanga pagdating ng araw;
At di gaya nitong mga maykaya lang
Ang puedeng mag-duktor o abogado riyan!
