At nung nanu-nanu pa ping kontrobersya
Ing tataid da kang Presidente Gloria,
Kabilang ne karen ing ma-anomalya
A “ZTE Broadband deal” karin king Tsina;
Nung nu’ ining kabalugbug ding Kunehu,
Migkontra-barata ya karing Arroyo
Pasari namu ning e meka-“balatu”
Ining anak na keng mesabing proyektu?
At nung nanu-nanu ya ngeni paniabian
Laban kang GMA ngening salukuyan,
Samantalang inyang e pa milyari yan
Kulang namung e ne tayran at pusanan;
O nung literal mu kabayat ing anggang
Papuring pinutung na kang Macapagal,
Ketang maka-ampiad ya pa Malakanyang,
Mekad mu pitu mang barku e milulan!
Pero, nang milyari? Mibakung ing sabo,
Mipaparehu lang alang ‘apanako’?
Dapot makanian man, ‘tin pa muring lalto
Lingasngas agia mang iti mebantilo;
A nu’ ining Neri ila ning Abalos,
Balamu ila nang ngeni maybug-aybug
Masipit king e na panga-“dismiss” lubus
Ning isyung yan uling ila namu kabud
Ding mitatagan a “respondents’ king kasu
A milipat na Sandigangbayan mismu,
At nu’ absueltu no’ king mapaling isyu
Ding kontrobersyal a miasawang Arroyo.
At kabud kareting aduang masisipit
Ating kinanta o mengumpisal pilit
Pauli namu ning sobrang paginakit,
Kanita na lunto ing sukat mayakit!
Puera pa king ngeni lalto tunggal-tunggal
A pemaniali rang bale a mangamal,
Karin America, a biglang mekalkal
Kagnan na ning samut-saring isyung dakal.
A nu’ ing matindi at peka-maragul,
Karing isyu laban kang GMA, bilyon
A “budget deficit” ning Administrasyun
Ing linobo uling e biasang mangontrol?
At nu’ masasabi yang ekonomista,
Pero gastarul nemang alang kapara;
Pablasang ding salaping lalasawan da
E ro’ pipawasan at sariling pera?
Pero nung balu niang telukian a bakas
Ning anak ing Tata, king bie nang milabas,
Kapilan man e na takman agiang ditak
Ing mupul yang dakal a mialiwang pintas.
Tutu, at e maka-lingad king publiku
Y Apung Dadong mepintas ya namang pihu;
At ing kepintas na, balu yu nung nano?
E ya migpakualta – mete yang kalulu!
At e anti ring aliwang migpasasa
Kabang atiyu gamat da ing upaya;
Inya angga na king mete yang payapa
Alang ikumpisal arap nang Bathala!
Ing tataid da kang Presidente Gloria,
Kabilang ne karen ing ma-anomalya
A “ZTE Broadband deal” karin king Tsina;
Nung nu’ ining kabalugbug ding Kunehu,
Migkontra-barata ya karing Arroyo
Pasari namu ning e meka-“balatu”
Ining anak na keng mesabing proyektu?
At nung nanu-nanu ya ngeni paniabian
Laban kang GMA ngening salukuyan,
Samantalang inyang e pa milyari yan
Kulang namung e ne tayran at pusanan;
O nung literal mu kabayat ing anggang
Papuring pinutung na kang Macapagal,
Ketang maka-ampiad ya pa Malakanyang,
Mekad mu pitu mang barku e milulan!
Pero, nang milyari? Mibakung ing sabo,
Mipaparehu lang alang ‘apanako’?
Dapot makanian man, ‘tin pa muring lalto
Lingasngas agia mang iti mebantilo;
A nu’ ining Neri ila ning Abalos,
Balamu ila nang ngeni maybug-aybug
Masipit king e na panga-“dismiss” lubus
Ning isyung yan uling ila namu kabud
Ding mitatagan a “respondents’ king kasu
A milipat na Sandigangbayan mismu,
At nu’ absueltu no’ king mapaling isyu
Ding kontrobersyal a miasawang Arroyo.
At kabud kareting aduang masisipit
Ating kinanta o mengumpisal pilit
Pauli namu ning sobrang paginakit,
Kanita na lunto ing sukat mayakit!
Puera pa king ngeni lalto tunggal-tunggal
A pemaniali rang bale a mangamal,
Karin America, a biglang mekalkal
Kagnan na ning samut-saring isyung dakal.
A nu’ ing matindi at peka-maragul,
Karing isyu laban kang GMA, bilyon
A “budget deficit” ning Administrasyun
Ing linobo uling e biasang mangontrol?
At nu’ masasabi yang ekonomista,
Pero gastarul nemang alang kapara;
Pablasang ding salaping lalasawan da
E ro’ pipawasan at sariling pera?
Pero nung balu niang telukian a bakas
Ning anak ing Tata, king bie nang milabas,
Kapilan man e na takman agiang ditak
Ing mupul yang dakal a mialiwang pintas.
Tutu, at e maka-lingad king publiku
Y Apung Dadong mepintas ya namang pihu;
At ing kepintas na, balu yu nung nano?
E ya migpakualta – mete yang kalulu!
At e anti ring aliwang migpasasa
Kabang atiyu gamat da ing upaya;
Inya angga na king mete yang payapa
Alang ikumpisal arap nang Bathala!
