Kumpleto ang major cast ng Huwag Ka Lang Mawawala sa ginanap na celebrity screening ng serye last Sunday night sa Resorts World sa pangunguna ni Judy Ann Santos.
The other main cast of the series na naroroon ay ang leading man na si Sam Milby at ang second lead actress na si KC Concepcion.
Naroroon din ang iba pang cast na sina John Regala, Tirso Cruz III, Empress at marami pang iba.
Suportado si Juday ng kanyang mister na si Ryan Agoncillo dahil dumating ang TV host sa screening at nanood kasama ang asawa habang si KC naman ay sinuportahan ng kanyang amang si Gabby Concep-cion at kapatid na si Garrie na kasamang dumating ng aktor.
Habang nanonood ay kilig na kilig si Garrie kay Sam at sa tuwing lalabas sa screen ang aktor ay nagsu-swoon ang bagets.
Ipinalabas sa screening ang first week ng serye and we’d say kakaiba nga ito sa mga typical teleserye na napapanood natin. Kumbaga, ibang putahe naman ito at tama nga ang sinabi ni Juday na ibang Sam and KC ang mapapanood natin dito.
Kung ilang beses pinalapapakan si KC ng kanyang mga fans sa mga eksena ng young actress kaya for sure ay proud daddy si Gabo habang nanonood.
May iyakan scenes agad si Juday at base sa napanood namin, hindi halatang nahihirapan na siyang magpatulo ng luha tulad ng kuwento niya dahil parang gripo pa rin ang kanyang mga mga mata sa pag-agos ng kanyang mga luha.
Sam is super hot dito kaya hindi kami nagtataka na kinikilig ang anak ni Gabby and Grace Ibuna.
Mabilis ang pacing ng kuwento sa pilot week na umikot sa pagkakakilala nina Juday and Sam hanggang sa magpakasal.
Na-establish na rin ang karakter ni Sam at naipakita na agad ang bitter and painful childhood memories niya.
Ipinakita na rin ang loveteam nina Empress at Joseph Marco although sa pilot week ay hindi pa sila nagkakakilala.
Mula sa direksyon nina Malu Sevilla, Jerry Lopez-Sineneng at Tots Sanchez-Mariscal, magsisimula na June 17 ang HKLM at papalit sa Ina, Kapatid, Anak na magtatapos na on June 14.
