MARAMI ang nagtatanong kung may pruweba raw ba ang inyong lingkod para isulat kong bakit walang basehan ang mga balita na nagkakalabuan na sina Jodi Sta. Maria at Cavite Vice Gov. Jolo Revilla.
Well, magkasama silang nagsimba noong Linggo sa isang Christian Church na hindi ko puwedeng ibunyag. Baka kasi marami ang sumugod sa Christian Church na iyon at mabulabog ang kanilang pagsimba.
Earlier, magkasama ring dumalaw sina Jodi at Jolo kay Sen. Bong Revilla sa Custodial Center ng Camp Crame at nag-stay hanggang 5pm. Naroon din si Jolo sa Star Magic Ball para ihatid si Jodi.
Hindi na siya nakihalubilo pa. Umiiwas siya sa mga sosyalan habang nalulungkot silang maganak sa nangyari sa Daddy niyang si Sen. Bong Revilla. Incidentally, si Jodi Sta. Maria uli ang endorser ng Cosmo Skin products, na nagkaroon ng presscons a Luxent Hotel (Winter Room) kahapon.
Tulad ng inaasahan, umiwas uli si Jodi na sagutin ang mga personal na tanong tungkol sa kanila ni Jolo. Kaya, tiyak na matutuwa ang mga nagmamahal sa kanila ngayong nalaman nila na matibay pa rin ang kanilang relasyon.
Magaling din naman kasing mag-alaga si Jolo, kung kaya’t magandang-maganda pa rin si Jodi at kabi-kabila pa ang endorsements at projects maliban sa “Be Careful With My Heart.” Nariyan pa ang “Maria Leonora Teresa” movie na palabas na sa Sept.17. Nagpakitang-gilas uli si Jodi sa kanyang kakaibang uri ng pagganap.
Totoong wala nang mahihiling pa si Jodi ngayon. Lahat ng nakapaligid sa kanya ay tunay na nagmamahal at minamahal din niya. Nariyan ang ABS-CBN at Kapamilya network na walang sawang nagmamahal sa kanya. Kahit si Ser Chief (Richard Yap) ay nag-e-effort din na sorpresahin every now and then para ipadama ang kanyang pagmamahal kahit pang-TV lang.
Wala ring kupas ang pagmamahal sa kanya ng only child niyang si Thirdy by giving her good grades and good conduct in school. Araw-araw ay napapatunayan din ni Jolo na siya ang nag-iisang babae sa buhay
niya.
