Ito ay isang 3-storey building na sa ground floor ay showroom ng iba’t ibang brands ng clothing, shoes, make-up and perfume, sa 2nd floor naman ay salon at sa 3rd floor ay nails, face and body spa.
Bale dalawa silang magkasosyo sa negosyong ito, ang isa ay si Christine Riley na tulad ni Jen ay alaga rin ni Becky Aguila.
Nitong mga nakaraang buwan ay naging abala sila sa pag-i-interior at pagde-design ng building at siyempre, punong abala si Tita Becky.
Natutuwa ang manager na talagang nag-mature na si Jen at puro future na ang iniisip nito lalo pa nga’t lumalaki na rin ang anak na si Alex Jazz.
By the way, malapit nang umalis si Jen patungong New York para sa shooting ng Pre-Nup movie nila ni Sam Milby. May bago ring teleseryeng naghihintay sa kanya sa GMA-7 once she gets back.
